КДК дамуының маңызды кезеңі – Қазақстан Республикасының 2018 жылғы 28 желтоқсандағы №211-VI Заңы, онда консультативтік-диагностикалық көмек МӘМС пакетінің толыққандықұрамдас бөлігі болып табылады. Бұл қазақстандықтардың диагностиканың кез келген түріне, оның ішінде қымбат зерттеулерге қол жеткізуіне мүмкіндік беретін консультациялар мен зерттеулер саласында қаржыландырудың жаңа моделіне ауысу болды.
Медициналық сақтандырудың әлеуметтік түрлерін қолданатын көптеген елдердің тәжірибесі айқын көрсетіп отырғандай, МӘМС форматы аудандық деңгейдегі ауруханаларда диагностиканың алдыңғы қатарлы түрлерін ұсынуға дейін КДК-іқаржыландыруды едәуір күшейте алады. Мәселен, бұдан былай сақтандырылған пациенттерге МРТ және КТ сияқты диагностика түрлері үшін 40 мың теңгеге дейін ақша төлеудің қажеті болмайды.
Рас, төтенше жағдай режимі міндетті медициналық сақтандыру жүйесі аясында жоспарланған емдеуді едәуір шектеді және халықты сақтандырудың жеңілдік мерзімі де ұзартылды. Сондықтан КДК туралы бірнеше маңызды фактілерді білген жөн. Олар салалық дәрігерлердің кеңесін, кеңейтілген ақысыз диагностикалық қызметтерді, учаскелік дәрігерден жолдама алу жағдайларына және қабылдауды күтудің максималды мерзіміне қатысты.
Сондықтан ыңғайлы болу үшін Медициналық сақтандыру қоры консультативтік-диагностикалық көмекті пайдалану факторлары енгізілген қысқаша жадынама жасады. Қосымша, толыққанды ақпарат алу үшін медициналық сақтандыру қоры байланыс орталығының 1406 номерлі телефонын сақтап қоюды ұмытпаңыз.
