Алайда, тұрғындардың тәртібі, түрлі мәселелер де қазіргі кезде жіті қадағалануда. Осыған орай, Тараз қаласында қылмыстың алдын алу және ескерту мақсатында жедел алдын алу іс-шарасы өттті. Оған 140-тан астам полиция қызметкері қатысты.
Тексеру жұмыстары барысында "Шөлдала" иінінде орналасқан 29 үй қамтылып, 76 адамға дактилоскопиялық тіркеу жүргізілген. Жамбыл облыстық Полиция департаментінің мәліметінше, тексеру барысында бір тәулікте 41 әкімшілік-құқықбұзушылық анықталған. Оның ішінде алкогольдік ішімдіктерді ішу немесе қоғамдық орындарға мас күйінде келу, қалалар мен елдімекендердің аумақтарын абаттандыру ережелерін бұзу, сондай-ақ, инфрақұрылым нысандарын бұзу, қала мен елдімекендердің жасыл желектерін жою және бүлдіру сияқты заңбұзушылықтар бар.
Сонымен қатар, 12 қару иесі тексеріліп, 2 адамға қатысты қаруды сақтау және тіркеу тәртібін бұзғаны үшін әкімшілік хаттамалар толтырылған. Есепте тұрған 73 адам тексерілген. Сондай-ақ, тұрғындармен ұрлықтың алдын алу, мал жаю ережесі, балалар қылмысының алдын алу, сондай-ақ, су айдындарында шомылу мәселелері бойынша да профилактикалық бағыттағы ескерту жұмыстары жүргізілген.
Жамбыл облысы
