Оқиға • 25 Маусым, 2020

Жолда құрылыс қарқынды

13 рет көрсетілді

Маңғыстау облысында автомобиль жолдары сала­сын­дағы ірі рес­пу­бликалық «Жетібай – Жаңаөзен» жобасын іске асыру шаралары аяқ­та­луға жақын. Жолдың 2 учаскесінің біріндегі жұ­мыс­тар осы жылдың нау­ры­зында аяқталған болатын.

Қайта жаңарту жұмыстары 2018 жылдан бері Азия даму банкі қаражатының есебінен іске асырылуда. «Аккорд/Ақжол Құрылыс» БК және «Cengiz Insaat Sanayi ve Ticaret A.S» компаниялары» екі жыл ішінде 976 адамды жұмысқа тартса, жол-құрылыс техникасының 575 бірлігін жұмылдырды.

Бүгінгі таңда жолдың 0-38 шақырымдары арасындағы учаскесінде 20 шақырымдық кедергілік қоршауларды орнатудан басқа жұмыстардың барлығы орындалған. Жоспар бойынша бұл жұмыстар 2020 жылғы 30 маусымға қарай аяқталады деп күтілуде. 35-73 шақырымдар арасындағы жол учаскесінің құ­ры­лыс жұмыстарының бар­лы­ғы аяқталған.

Жол қайта жаңарту ж­ұ­мыс­та­рынан өткен соң, жолдың 68,6 шақырымы пай­да­лануға бе­рі­леді. Оның 57,4 шақырымы – І техникалық санаттағы, 11,2 шақырымы – ІІ техникалық санаттағы жолдар болмақ. Бұдан бөлек, мұнда 2 жол өтпесі, 25 су өткізгіш құбыр және мал өтпелері орнатылған.

Айта кету керек, Маңғыстау облысында жақсы және қанағат­тан­дырарлық жағдайдағы рес­пуб­ликалық маңызы бар жол­дардың үлесі 95,2% құрайды. 2017 жылы мұнда Бейнеуден Ақтау қаласының теңіз портына дейінгі аралықта жатқан «Бейнеу-Ақтау» автомобиль жолын қайта жаңартуға қатысты ірі жобаны жүзеге асыру шаралары аяқталған еді. Аталған жолдың ұзындығы 430 шақырымды құрайды.

 

 

Соңғы жаңалықтар

Шәміл

Тарих • Кеше

ZOOM акциялары қымбаттады

Технология • Кеше

Ұқсас жаңалықтар