Вице-министр 2019 жылы тамыз айында Денсаулық сақтау министрлігі еліміздегі барлық дәріханаларда көтерме және бөлшек сауда үшін дәрі-дәрмектің шекті бағасын белгілеу туралы бұйрыққа қол қойғандығын еске салып, бүгінгі таңда бұйрықтың ағымдағы нұсқасында 6 мыңнан астам дәрінің көтерме және бөлшек сауда бағалары белгіленгенін жеткізді.
– Бұйрықтың талаптарын сақтау мақсатында халық қолданысы үшін барлық смартфонда жұмыс істейтін 3 тілді «DARIKZ» мобильді қосымшасы дайындалды. Қосымша тегін қызмет көрсетеді. Мобильді қосымшада еліміздің дәріханаларында шекті бағаға қатысты шағым беру бойынша функционал бар. Осы функционалдың көмегімен еліміздің кез келген азаматы дәріханаларда шекті баға бойынша бұйрықтың сақталуын тексеріп, дәрі-дәрмектің бағасы шекті көрсеткіштен жоғары болған жағдайда шағым бере алады. Мобильдік қосымша арқылы берілген барлық шағымды Денсаулық сақтау министрлігінің Тауарлар мен қызметтердің сапасы мен қауіпсіздігін бақылау комитеті қарайды және бұзу фактісі расталған жағдайда Денсаулық сақтау министрлігі оны реттеу үшін барлық қажетті шараларды қолданады, – дейді О.Әбішев.
Айта кетелік, ұялы қосымша арқылы шағым беру үшін 3 қарапайым қадам жасау жеткілікті. Яғни дәрі-дәрмекті шекті бағамен табу; шағым беру бастырмасына басу және қажетті ақпаратты енгізу; «жіберу» батырмасын басу қажет.
