"Жасыл ел" жастар жасағының жетекшісі Абылай Құрметұлының айтуынша, бүгінде аймақтың табиғатын қорғап, көшелерді көгалдандыру-көркейту үшін еңбек маусымында 1000 жасты жұмыспен қамту көзделіп отыр. Оның ішінде 300 жас Атырау қаласының аумағында, ал, әр ауданда 100 сарбаз жұмыс істейтін болады.
"Жаңа маусымға тіркеу онлайн режимде жүргізіліп жатыр. Қазіргі уақытта өтініш білдіруші 671 адам бар. Тіркелушілердің құжаттары қосымша тексеріледі. Атап айтар болсақ, жеке куәлік, банктік есепшоты, 18 жасқа толмаса ата-анасының рұқсат қағазы керек. Барлық сарбаздар қолғаппен, маскамен қамтамасыз етіледі. Оларарақашықтықты сақтап жұмыс істейтін болады", - дейді Абылай Құрметұлы.
Жоба аясында биыл да әдеттегідей барлық ауданда және Атырау қаласында ай сайын #TrushtagAtyrau акциясы ұйымдастыру жоспары бар. Сондай-ақ, жастар арасында экологиялық мәдениет пен ауыл шаруашылығын дамытуға бағытталған 10 іс-шараны өткізу жоспарланып отыр.
