Елорда • 15 Шілде, 2020

Гуманитарлық көмектің барлық қаптамасына мөр қойылады

28 рет көрсетілді

Гуманитарлық көмектің барлық қаптамасына мөр қойылып, тауарлардың делдалдар арқылы сатылуына мүмкіндік бермейді. Бұл туралы Нұр-Сұлтан әкімдігінің ресми сайтына Egemen.kz сілтеме жасай отырып хабарлайды.

Елорданың сыбайлас жемқорлыққа қарсы қызметі қоғам белсенділерінің, арнайы мониторинг тобы өкілдерінің, "Астана – Адалдық алаңы" жобасы менеджерлерінің, дәрі-дәрмектердің бағасын бақылау және талдау басқармасының, қоғамдық денсаулық сақтау басқармасының қызметкерлерімен бірлесе отырып, Нұр-Сұлтан қаласында тегін гуманитарлық көмектің таратылуына мониторинг жүргізілуде.

Хабарланғандай, бірқатар мемлекет коронавирус инфекциясынан зардап шеккен елдерге медициналық көмек көрсетуге ниет білдірді. Атап айтсақ, еліміздің астанасына Ресейден 2 790 дана қорғаныс киімінің жиынтығы, 21850 дана үш қабатты бір реттік бетперде, 236 қаптама "короновир" таблеткасы бөлінген.

Қытай Халық Республикасы 450 медициналық қорғаныс киімі, 3000 хирургиялық қолғап, 15 жанасусыз инфрақызыл термометр, 2200 медициналық бетперде және 3040 хирургиялық бетперде бөлді.

"Астана – Адалдық алаңы" жобасының жетекшісі, қалалық мәслихат депутаты Мирас Шекенов бүгінде сыбайлас жемқорлыққа қарсы іс-қимыл департаментінің басшылығынан, "Астана – адалдық алаңы" жобасының менеджерлері және арнайы мониторинг тобы мүшелерінен тұратын жұмыс тобы Ресей мен Қытайдан келген гуманитарлық көмектің СҚ "Фармация" қоймаларынан медициналық ұйымдарға дейін жеткізілуін қадағалау бойынша жұмыс жүргізіп жатқанын атап өтті.

"Бүгінгі таңда медицина ұйымдарын жеке қорғаныс құралдары мен дәрі-дәрмектермен қамтамасыз ету – карантин жағдайынан шығуға мүмкіндік беретін шара. Еш нәрсені адам өмірімен салыстыруға болмайды. Бұл жағдайда мемлекет қалыптасқан жағдайды реттеу үшін кешенді шаралар қабылдауда. Біз, қоғам белсенділері, гуманитарлық көмекті Қазақстанға келген сәттен бастап оның тұтынушыға жетуіне дейін қадағалаймыз. Барлық қаптамаларда қорғаныс құралдары мен дәрі-дәрмектердің тегін гуманитарлық көмекке жататынын білдіретін мөрі болады. Бұл шара жосықсыз азаматтарға тауарларды делдалдар арқылы сатуға мүмкіндік бермейді", деді сыбайлас жемқорлыққа қарсы іс-қимыл департаменті жанындағы арнайы мониторинг тобының өкілі Жәнібек Успанов.

Осыған байланысты барлық мүдделі азаматтар, егер медициналық мақсаттағы бұйымдар мен дәрі-дәрмектерде осындай мөр болса, 8-775-160-55-32 нөміріне хабарласа алады.


Соңғы жаңалықтар

Қарсы барлаушылар қаһармандығы

Руханият • Бүгін, 15:50

Ескерусіз кеткен есіл ер

Таным • Бүгін, 12:50

Майдангердің өнегелі жолы

Руханият • Бүгін, 10:55

Ржев шайқасының қаһарманы

Тарих • Бүгін, 10:30

Тұрлауы қиын тағдырлар

Тарих • Бүгін, 09:30

Ардагерлер азайып бара жатыр...

Қазақстан • 07 Мамыр, 2021

Елбасы және Қазақстан армиясы

Елбасы • 07 Мамыр, 2021

Бублик Карцевті қапы қалдырды

Теннис • 07 Мамыр, 2021

Мереке күндер жаңбырлы болады

Ауа райы • 07 Мамыр, 2021

Ұқсас жаңалықтар