Қарағандыға көрші елден дәрі-дәрмек жеткізілді

Аймақтар • 19 Шілде, 2020

Қарағандыға көрші елден 17 тонна дәрі-дәрмек жеткізілді

64 рет көрсетілді

Кеншілер астанасына Ресейдің Нижний Новгород қаласынан коронавирус инфекциясын, пневмонияны және басқа да бірқатар аурулардыемдеуге арналған дәрі-дәрмектің мол партиясы жеткізілді, – деп хабарлайды Egemen.kz облыс әкімінің баспасөз қызметіне сілтеме жасап.

Қайрат Әбілда

Бұл іс-шара Қарағанды облысының әкімдігі және "Қазақмыс" корпорациясының қолдауымен ұйымдастырылды. Медициналық препараттардың жалпы салмағы 17 ноннаны құрайды. Дәрілердің жартысы – 8,5 тоннасы Қарағанды облысынаарналған. Жүктің қалған бөлігі Павлодар және Нұр-Сұлтан қалаларына жөнелтіледі.

Айта кету керек, бұл гуманитарлық көмек емес, дәрі-дәрмек дәріхана желілерінің дистрибьюторлары арқылы сатып алынған. Ал облыстық әкімдік болса, препараттарды сатып алу және енгізу процедураларын жеңілдетуге және логистика жөніндегі мәселелерді шешуге қолдау көрсетті.

Бүгінгі күнде өте қажетті цефтриаксон, реамберин, клексан, преднизолон, циклоферон, азитромицин және ыстықты басатын дәрілер сынды препараттар стационарлар мен дәріханаларғатаратылатын болады.

Жақын арада дәрі-дәрмек Қарағанды облысының дәріхана сөрелеріне және қалалар мен аудандардың стационарларына жеткізіледі. Бұдан бөлек, өңірге 700 мың қаптама шамасында парацетамол да әкелінбекші.

Қазіргі таңда өңір тұрғындарының қажеттілігін өтеуге арналған дәрі-дәрмекті жеткізу бойынша жұмыстардың жалғасын табуы облыс басшылығы тарапынан жіті бақылауға алынған.