Шабуылдар көбейген аймақтар қатарында Бангладеш, Үндістан, Индонезия, Филиппин, Вьетнам және Оңтүстік-Қытай теңізі бар. Ноксвиллдегі Теннесси университетінің Теңіз қарақшылығын зерттеушісі Брэндон Принстің пікірінше, Азиядағы қарақшылық пен қарулы шабуылдардың басым бөлігі мүмкіндікті пайдаланушылық сипатқа ие. Кейде жергілікті балық аулаушылар қосымша табыс көзі деп осындай заңсыз әрекетке барады. Одан бөлек жұмыссыз қалған жастар да қарақшылыққа бет бұрып жатады. Шағын топтан құралған қарақшылар үлкенірек кемелерге баса көктеп кіріп, металл сынығы, қозғалтқыш бөлшектері, кемедегі байланыс құралдары мен экипаж мүшелерінің жеке заттарын қара нарықта қайта сату үшін тонайды. Сарапшылар ғаламдық пандемия кесірінен жұмыссыз қалғандар есебінен қарақшылық әрекетке баратындар саны артуы мүмкін екенін айтып, алаңдаушылық білдіріп отыр.
