Аймақтар • 20 Шілде, 2020

Мақтааралдағы су шайған Өргебас ауылында 43 үйдің шатыры жабылды

501 рет
көрсетілді
1 мин
оқу үшін

Мақтаарал ауданындағы су басқан Өргебас ауылын қалпына келтіру жұмыстары қарқынды жүріп жатыр. Елдімекендегі 195 үйдің 193-і 17 миллион теңге өтемақыны алу үшін келісім-шартқа тұрған, - деп хабарлайды Egemen.kz.

Мақтааралдағы су шайған Өргебас ауылында 43 үйдің шатыры жабылды

Келісім бойынша 193 үйдің барлығына І транш бойынша 17 миллион теңгенің 50%-ы аударылып, тұрғындар үйлерінің құрылысын қарқынды жүргізіп жатыр. Сондай-ақ, 7 тұрғын үйге ІІ транш бойынша тағы 25% қаржы аударылып, аталған үйлерге ішкі әрлеу жұмыстары жүргізіліп жатыр.

Қазір 188 үйдің іргетасы қаланып, 105 үйдің қабырғасы өрілген. Сонымен қатар, 43 үйдің шатыры жабылған. Осы уақытқа дейін ауылда 190 үйге бұзу жұмыстары жасалыпты.

01

Жалпы елдімекенде 694 құрылысшы 60 ұжымға бірігіп, құрылыс жұмыстарын қарқынды жүргізуде. Бұған дейін Өзбекстан Республикасы тарапынан өргебастықтарға 3 экскаватор, 1 камаз бен 30 адам көмекке келген еді.

Айта кетейік, Өргебас ауылы 1971 жылы құрылған. Аумағы 1256 гектарды, оның ішінде егістік жердің көлемі 1203 гектарды құрайды. 1451 тұрғын тұрады.

Ауылда 1 мектеп, 2 балабақша, 1 медицина пункті мен 1 полиция пункті бар. Сонымен қатар, 155 шаруа қожалығы, 1 мал бордақылау алаңы, 3 сауда нүктесі мен 1 жауапкершілігі шектеулі серіктестік жұмыс істейді.