видеодан скриншот
Астана қаласының Алматы ауданындағы Айнакөл көшесінде орналасқан көпқабатты тұрғын үйдің бір пәтерінде өрт болды. Алдын ала мәлімет бойынша, жалын балкон мен бөлмені шарпыған.
Оқиға туралы хабар түскеннен кейін Төтенше жағдайлар министрлігінің бөлімшелері дереу жетіп, өртті қысқа уақыт ішінде оқшаулап, толық сөндірді.
Өрттің жалпы аумағы 15 шаршы метрді құрады. Құтқарушылардың жедел әрекетінің арқасында жалын көршілес пәтерлер мен басқа да бөлмелерге тараған жоқ.
Зардап шеккендер туралы ақпарат тіркелмеген. Қазіргі уақытта өрттің шығу себебі анықталып жатыр.
Төтенше жағдайлар қызметі тұрғындарды өрт қауіпсіздігі талаптарын қатаң сақтауға, электр құрылғылары мен тұрмыстық техникаларды қараусыз қалдырмауға шақырды.
