Қоғам • 21 Шілде, 2020

Отандық бағбандар Нидерланд технологиясын қолданады

14 рет көрсетілді

Қазақстанда жеміс-жидек секторын дамыту үшін Нидерланд үкіметі кәсіпкерлер тобымен бірлесіп, елімізде жаңа технология­ларды енгізуге бағытталған Dutch Fruit Solutions Kazakhstan компаниясының жобасын іске асыруда.

Биыл екінші тоқсанда компания өкілдері жобаны іске асы­рудың белсенді кезеңіне кірісті, Нидерландыдан әкелінген алмұрт, қара өрік, шие, алма, қасқыржем, көкжидек, қарақат және құлпынай барлығы – 8 дақыл отырғызылды.

«KAZAKH INVEST» ҰК» АҚ Қазақстан Республикасының аумағына жабдықтарды жеткізуге және кедендік рәсімдерден өтуге байланысты мәселелерді шешуге көмек көрсетті. Естеріңізге сала кетейік, инвестиция тарту бойынша бірыңғай оператор инвесторларға 24/7 режімінде көмек көрсетеді.

Dutch Fruit Solutions Kazakhstan жобасы Қазақстандағы тиімді және тұрақты жеміс-жидек секторын дамытуға жәр­демдесу үшін Нидерланды Корольдігінің Үкіметі және компаниялар тобымен құрылды. Қазіргі уақытта консорциумға 14 нидерландтық компания кіреді, олардың әрқайсысында заманауи шешімдер мен жаңа технологиялар бар.

Dutch Fruit Solutions Kazakhstan Қазақстанның же­міс-жидек секторындағы ғылы­ми-зерттеу ұйымдарымен ын­тымақтастық туралы ке­лі­сім жасасуға бағытталған, ол қатты, сүйек жемістері мен жидек дақылдарын өсіру бөлігінде қолданыстағы же­міс шаруашылығы жүйесін жа­ңартуға және кеңейтуге бағытталған: яғни вирустарсыз отырғызу материалы, қарқынды жеміс бақтарын жобалау және іске асыру. Жоба өнімді жинау кезінде және одан кейінгі қызметті оңтайландыруды қам­тиды.

Жобаның мақсаты – тамшылатып суару технологиясы және жоғары технологиялық жеміс бағы бар демонстрациялық аумақты құру, онда Нидер­ландыдан бағбандық саладағы үздік технологиялар көрсетіледі. Демонстрациялық аумақта отыр­­ғызу материалдарын, ал­ма, алмұрт, қара өрік, өрік, шие көшеттерін орналастыру жоспарлануда. Сондай-ақ қа­рақат, көгершін, құлпынай және қасқыржем бар учаскелер жоспарланған. Бұдан басқа, Нидерланды тарапы аграрияларды заманауи отырғызу материалдарымен және өңдеу технологияларымен қамтамасыз етеді, жиналған өнімді Қазақстанның жеміс-жидек секторында сақтауға және өңдеуге көмектеседі. Бұл шаралар жеміс шаруашылығы өнімдерінің өнімділігі мен сапасын арттыруға, сондай-ақ оның тағамдық қауіпсіздігін жақсартуға мүмкіндік бере­ді. Dfsk консорциу­мы аясында Нидерландының жетекші университеттері мен институттары В2В сегментінде ғана емес, қазақстандық аграрлық институттармен ынтымақтасады. Бұл тізбектегі үшінші буын – фитосанитария және карантиндік инспекциялар бойынша ауыл шаруашылығының түрлі бағыт­тары бойынша мемлекеттік деңгейдегі ынтымақтастық.

2019 жылдың қазан айында Қазақстан Премьер-Министрі Асқар Маминнің Нидерланд Корольдігіне ресми сапары барысында Нидерланды Король­дігінің Премьер-Министрі Марк Рюттемен кездесу өтті. Келіс­сөздер барысында тараптар екіжақты инвестициялық және сауда-экономикалық ын­тымақтастықтың перспективаларын талқылады. Сонымен қатар Қазақстан Премьер-министрі Асқар Мамин Қазақстан-Нидер­ландия бизнес-форумына қаты­сып, Shell, BITFURY, SUEZ GROUP, Farm Frites, Dutch Fruit Solutions Kazakhstan компанияларымен келіссөздер жүргізіп, бірқатар инновациялық нысандарды аралады.

Былтыр Нидерландыда Қазақ жеміс-көкөніс шаруашылығы ғылыми-зерттеу институты (ҚазЖКШҒЗИ) мен Нидер­ландыдан келген серіктестер Dutch Fruit Solutions Kazakhstan арасында озық технологияларды қолдана отырып, Талғар ауданында институт аумағында аумағы 2 гектар болатын демон­страциялық учаске құру туралы келісімге қол қойылды.

 

 

 

Соңғы жаңалықтар

Ресей азаматтары алғыс айтты

Аймақтар • Бүгін, 21:45

Семейге «Сергек» орнатылады

Аймақтар • Бүгін, 14:56

Әкім ақынға құрмет көрсетті

Аймақтар • Бүгін, 14:52

Алматыда халықаралық форум өтті

Аймақтар • Бүгін, 14:27

Ұқсас жаңалықтар