"Бүгін біз COVID-19-дан айыққан 30 азамды шығардық. Қазір бізде 300-ге жуық науқас ем алуда, олар толық медициналық көмек алады. Бізде емдеуге арналған барлық дәрі-дәрмектер бар. Мен өз тарапымнан тағы бір рет тұрғындарды аса қажеттілік болмаса үйден шықпауға, қоғамдық орындарға бармауға, өздеріңіз бен айналаңыздағылардың денсаулығына қамқор болуға, карантин нормаларын қатаң сақтауға шақырамын", – дейді аурухананың бөлім меңгерушісі Кагва Арав.
№ 3 қалалық көпсалалы аурухананың терапевті Азиза Алданбаеваның айтуынша, науқастар көбіне емханаға ауыр жағдайда келеді.
"Бірінші кезекте оларға қажетті көмек көрсетіледі. Әдетте, 2-3 күн қарқынды терапиядан кейін жақсы динамика байқалады. Қазір біз ауруынан айыққандарды шығарып жатырмыз", – деді дәрігер.
Зейнеткер Мария Жабаева ауруханаға ауыр жағдайда түскенін айтады. "Барлық медицина қызметкерлеріне олардың көмегі үшін ризамын! Олар ерекше қамқорлық танытты. Мұнда 12 күн емделдім. Оған дейін дәрігерге барудан қорқып, үйде он күн емделдім. Қазір мен жазылып шығып, үйге бара жатырмын", – дейді зейнеткер.
Елордада барлығы коронавирус жұқтырудың 8619 жағдайы тіркелді, олардың 5 511 науқас емделіп шықты.
