"Бүгін біз Нұр-Сұлтан қалалық әкімдігінен 59 оттегі концентраторын алдық. Бұл біздің науқастарымызға үлкен көмек. Жабдықтар олардың емделуіне және жағдайын жақсартуға көмектеседі", – дейді №3 көпсалалы қалалық аурухана директорының орынбасары Жанар Ксанова.
Бұрын хабарланғандай, Елорда ауруханалары мен емханаларына коронавирус пен пневмонияны емдеу үшін қосымша медициналық жабдықтар түсті. Олардың ішінде 150 флуометр, 350-ден астам оттегі концентраторы, таяу күндері өкпені жасанды желдетуге арналған 50 аппарат келіп түседі. Жақын күндері қала ауруханалары мен емханаларына тағы 250-ден астам оттегі концентраты, 350 флуометр, 2 компьютерлік томограф және т.б. жабдықтар келіп түседі.
