Өмірінің соңғы жылдарында әнші тұрған үйдің көркін келтіріп тұрған бұл суреттің маңыздылығы да сонда, көркем нысан тұрғындардың әкімдікке жасаған өтінішінің арқасында іске асқанын айта кету керек.
Біртуар өнер иесіне деген құрмет пен тағзым сынды туындыны жүзеге асыру жұмысына Роза Бағланованың келіні Марал Бағланова да қатысқан. Әнші өнерін бағалаушы зиялы қауым жобаны жүзеге асырған азаматтарға алғыс білдіріп отыр.
Осылайша, Халық әртісінің жарқын бейнесі енді ел жадында әрі ұлттық өнер тарихында ғана емес, Алматы қаласының сәулеттік келбетінде де мәңгілікке сақталмақ.
Мұралды әнші ғұмырының соңғы жылдарының куәсі болған «Самал-3» шағынауданындағы 21-үйдің қабырғасынан көруге болады.
АЛМАТЫ
