Аймақтар • 22 Шілде, 2020

Алматыда өзін өлтірмек болған мас тұрғынды полицейлер дер кезінде құтқарды

31 рет көрсетілді

"Бұл ерлік емес, бұл біздің жұмысымыздың бір бөлігі ғана": полиция секірмек болған адамды көпірден түсіріп алды. Бұл туралы polisia.kz  хабарлайды, деп жазады Egemen.kz


Айнабұлақ ықшам ауданында қызмет етіп жүрген кезде тергеуші Елжас Каллимуланов, учаскелік полиция инспекторы Елдос Құдайберген және патрульдік полиция қызметкері Бекжан Әміртаевтан тұратын "Фотон-6" түнгі іздеу тобының бригадасына Солтүстік шеңбер, "Ялян" базарына қарама-қарсы, 40-44 жастағы белгісіз ер адам көпірдің шетінде отырғандығы және төменге секіргісі келетіндігі, осылайша өз-өзіне қол жұмсамақ болып тұрғандығы жайлы хабар келді.

Оқиға орнына жедел жеткен полиция қызметкерлері хабарламаны растады. Олар дереу ер адаммен сөйлесе бастады, оны осы ойынан айнытуға тырысты.

Әңгіме барысында өз-өзіне қол жұмсағысы келген адамның сөзінен оның мас екендігі белгілі болды.

– Мен жағдайдың өзгеріп жатқанын және біздің батыл әрекет етуіміз керек екендігін түсіндім. Біз бірден "Б" жоспарына көштік. Әріптесіміз, полицей Құдайберген онымен сөйлесіп жатқан кезде, полицей Әміртаев екеуміз көпірге әр түрлі жағынан көтеріліп, ер адамға байқатпай жақындай бастадық. Ол көпірдің артында тұрып, "Буран-168" патрульдік экипажындағы әріптесімізге маскүнемдікпен өз ренішін айқайлап айта бастады. Менің бұйрығым бойынша Бекжан жақындай түсті де, бір сәтте ер адамға ұмтылды. Ол ештеңені аңғарып үлгермеді, содан кейін мен екінші қолын ұстап, оны қауіпсіз жерге көтердім, – деді Бостандық аудандық ПБ ОКП-ның жедел уәкілі Елжас Каллимуланов.

Полицияның өздері атап өткендей, олар бұл әрекетті ерлік деп санамайды, бұл олардың жұмысының бір бөлігі ғана.

– Қызметте кез келген жағдай болуы мүмкін, кейбіреуі өздерін өлтіремін деп қорқытады, нашақорлар бізді көргенде терезеге шығады… Алдымен біз құтқаруымыз керек, содан кейін залалсыздандыруымыз керек, – деді полицей Каллимуланов.

Еске салайық, осы жылдың 20 шілдесінде Instagram желісінде өтіп бара жатқан көліктің жүргізушісі өзін асып өлтірді деп ойлап, көпірге ілулі тұрған адамды түсірген видео жариялаған болатын. Сол сәтте полиция адамды негізсіз әрекеттен құтқару үшін шаралар қабылдаған болатын.

Соңғы жаңалықтар

Елбасы арманы – елорда

Президент • Бүгін, 16:30

Еңбек адамдары марапатталды

Аймақтар • Бүгін, 16:05

Пневмония 68 адамда тіркелді

Коронавирус • Бүгін, 09:12

SpaceX тағы 60 спутник ұшырды

Әлем • Бүгін, 08:51

«Спартактан» басым түсті

Хоккей • Бүгін, 08:42

Даланы тербеткен сырлы саз

Руханият • Бүгін, 08:38

Елбасы, Луиза және балмұздақ

Ең қысқа әңгіме • Бүгін, 08:25

Есіл бойына ел қондырған

Таным • Бүгін, 08:21

Елбасы және Түркістан

Оқиға • Бүгін, 08:19

Мерекені мазмұнды өткізеді

Оқиға • Бүгін, 08:18

Арқадағы алтын бесік

Елбасы • Бүгін, 08:15

Кемеңгер келбеті

Руханият • Бүгін, 08:08

Жұмыс ашық ұйымдастырылады

Саясат • Бүгін, 08:04

Шабыт шалқытар шаңырақ

Театр • Бүгін, 08:00

Тарих тудырған тұлға

Елбасы • Бүгін, 07:47

Нұр-аға

Руханият • Бүгін, 07:35

Чемпионат мәресіне жетті

Ауыр атлетика • Бүгін, 07:30

Алтайға ат басын бұрған сәт

Таным • Бүгін, 07:29

Ұқсас жаңалықтар