"Азаматтар көтерген мәселелердің орындалу барысын қарау және бақылау үшін электронды карталар жүйесі құрылды. Қабылдауда көтерілетін негізгі мәселелердің қатарына жұмысқа тұру мен тұрғын үй жағдайын жақсарту жатады", дейді қала басшысы.
Қала басшысының айтуынша, қордаланған мәселелердің қатарында тұрғын үй коммуналдық шаруашылығы бағдарламасы бойынша қасбетті нығайту, шатырды ауыстыру, кіреберістерді жөндеу және тағы басқа жөндеу жұмыстары жүргізіліп жатыр. Биыл 50-ден астам көппәтерлі тұрғын үй кешендері жөндеуден өтіп, соның 130-дан астамы жеделсатыға ауыстырылады. Атқарылып жатқан жұмыстар тұрғын үй жағдайын айтарлықтай жақсартатынын тілге тиек етті.
Алтай Көлгінов: "Сонымен бірге апатты жағдайдағы ескі үйлерді сүру жұмыстары жүргізіліп жатыр. Тізімде салынғанына 90 жыл болған үй де бар. Көтерілген мәселелер бақылауда", дейді елорда әкімі.
