![Мұғалімдер "Кәсіпкерлік және бизнес негіздері" пәнінен біліктілік арттыруда](/media/2020/07/24/crop-4_112_180x240_oqu-biznes.jpg)
Алғашқы лек 13-24 шілде аралығында онлайн форматта ұйымдастырылды. Оқу курсын тәжірибелі бизнес-тренерлер өткізеді, сондай-ақ тыңдаушыларға "Атамекен" ҰКП жобалық тобы осы жылдың соңына дейін ақпараттық-әдістемелік қолдау көрсетеді.
Оқу курсы аяқталған соң тыңдаушыларға сертификаттар табысталады. Мұғалімдер бағдарламада ұсынылған материалдарды тәжірибеде қолданып, мектеп оқушыларына бизнес-пайымдау, бизнесті жүргізу дағдыларын үйретеді.
Бірінші лек 63 мұғалімді қамтыса, 3-14 тамыз аралығында өтетін екінші лек оқуына 60 педагог қатысады. 17-28 тамыз аралығындағы үшінші лекке 37 адам қатысады деп жоспарлануда.
Осыған дейін 15-26 маусымда аймақтағы колледждердің 19 оқытушысы да осы пән бойынша біліктіліктерін арттырған. Сертификаттарын алған оқытушылар қыркүйек айынан бастап сабақ беруге дайын.