Аймақтар • 27 Шілде, 2020

Жағдай тұрақтала түсті

169 рет көрсетілді

Коронавируспен күрес шараларын күшейтіп, аймақ халқының қауіпсіздігін барынша қамтамасыз ету үшін 5 шілдеден бастап бас санитарлық дәрігердің қаулысымен Қызылорда облысында қатаң карантиндік режім енгізілді. Осыған орай мемлекеттік мекемелер мен құқық қорғау органдары, квазисекторлық ұйымдар, барлық ауруханалар мен емханалар күшейтілген тәсілге сай жұмыс істеп жатыр.

Қажетті шараларды күшейту мақсатында облыс әкімі Гүлшара Әбдіқалықова бірқатар аурухана мен емхананы аралап, туындаған мәселелерді жедел шешу жолдарын қарастыруға тапсырма берді. Қазір шұғыл қабылданған шаралар нәтижелері байқалып отыр, науқастар саны төмендеп, ахуал біршама тұрақ­та­лып қалды.

Облыстық денсаулық сақтау бас­қар­масының Facebook әлеу­мет­тік желісіндегі парақшасында басқарма басшысы Сәбит Пазы­лов өткен апта ішіндегі індетпен күрес жұмыстарын саралап өтіп­­ті. Қазір өңірдегі 645 орын­дық инфекциялық стационарда 421, ал 1790 төсектік орны бар провизорлық орталықтарда 964 адам ем алып жатыр. Орын тап­шы­лығы жоқ. Жаман айтпай, жақсы жоқ, аяқ астынан аурулар қай­та көбейсе, жеке клиникаларды да оңтайландырып пайдалануға келісім жасалған.

Дерті дендегендер жиілеп, эпидемиялық ахуал күр­де­лене түскен кезеңде Жедел жәрдем қызметіне тәулігіне 2,5 мыңнан астам шақырту түсіп, жүктеме 2 есеге артқан болатын. Қазір қар­ба­лас сәт артта қал­ды, шақыр­ту­лар саны да азайды. Әсіресе, дене қызуының көте­рілуі­не бай­ла­­нысты – 3, пневмониямен ша­ғым­­данушылар деңгейі 2,2 есе төмендеді. Осы күні Жедел жәр­дем­ге тәулігіне 1200-1300 қоңы­рау шалынады.

Құрамында дәрігер, орта буынды медицина қызметкері мен көлік жүр­гізушісі бар 161 мобильді топ науқастарды үй жағдайында бақы­­лауға алды. Олардың 100-і ауыл тұрғындарының саулы­ғы­н бақыласа, 33 топ облыс ор­та­лы­ғын­да, 28-і аудан орта­лық­та­рында қызмет көрсетеді.

13 шілдеден бастап амбулаторлы ем қажет ететін пнев­мо­­нияға шалдыққандар үшін Үй жағдайындағы стационар қыз­меті қосылды. Олар №1, 6 қалалық емхана, «Сенім» ЖШС, Арал, Қармақшы, Жаңақорған аудандарында «Қазалы теміржол» серік­тестіктерінде жұмыс істеп жатыр. Тұрғындар аймақтағы эпидемиялық ахуал жайлы апта басында ашылған call-орта­лықтан мәлімет ала алады. Орта­лықтағы 14 адам тәулік бойы халыққа қызмет көрсетеді. Сонымен қатар Facebook әлеу­мет­тік желісіндегі Jastar densaýlyǵy ortalyǵy парақшасына хабарлама қалдыру арқылы ақпарат алуға да жағдай жасалды.

 

Қызылорда облысы

 

Соңғы жаңалықтар

Қыран қанатында қалықтаған жыр

Руханият • Бүгін, 08:43

Сөз сойыл №105

Руханият • Бүгін, 08:39

Құнды қазына орталығы

Руханият • Бүгін, 08:15

Инвестиция тартуға күш салуда

Оңтүстік Қазақстан • Бүгін, 08:12

Талапты қыз Тәліпова

Спорт • Бүгін, 08:10

Тарихта тұрлау болған ба?

Тарих • Бүгін, 08:08

Сербияда сайысқа түседі

Бокс • Бүгін, 08:06

Шүкіршілік

Руханият • Бүгін, 08:02

Бастамаларды қолдау алаңы

Саясат • Бүгін, 08:00

Алаш топырағындағы алтын тарих

Ең қысқа әңгіме • Бүгін, 08:00

Ахуал алаңдатып тұр

Аймақтар • Бүгін, 07:52

Ақ желеңді абзал жандар

Қоғам • Бүгін, 07:47

Жарқайыңның жомарт жандары

Аймақтар • Бүгін, 07:40

Үндістандағы ахуал нашар

Әлем • Бүгін, 07:32

Жол – мемлекеттің күретамыры

Аймақтар • Бүгін, 07:24

«Указной молда»: Ол кім?

Руханият • Кеше

Қылаң

Таным • Кеше

Ұқсас жаңалықтар