"Ентігу, тыныс алудың қиындауы, кеуде қуысының ауыруы, қандағы оттегі деңгейінің төмендеуі сияқты белгілер болған жағдайда дереу учаскелік дәрігермен байланысу немесе жедел жәрдемге қоңырау шалу қажет. Компьютерлік томография кабинеттерінің өткізу қабілетін де ескеру қажет – әр пациенттен кейін санитарлық өңдеу жүргізу қажет, бұл кезек күту уақытын арттырады. Осыған байланысты, мысалы, Нұр-Сұлтанда КТ жұмысын тәулік бойы режиміне ауыстырды", - деді Б. Төкежанов.
Оның айтуынша, қазір елімізде 135 томограф жұмыс істейді. Шілде айында Нұр-Сұлтан қаласы КТ 2 аппаратын, Алматыда 1 аппарат бар, тағы төрт облыс үшін 7 аппарат сатып алынады. Қосымша 17 техника бірлігі бар.
"Жарты жыл қорытындысы бойынша 1,6 млрд теңге сомасына КТ-ның 135 778 қызметі көрсетілген. Бір суреттің құны Қорға 7 215 теңге, ал контрастау бойынша 27,5 мың теңге тұрады. Бірақ тыныс алу жолдарының ауруларын диагностикалау үшін хаттамаға жоғары рұқсаты бар сандық рентгенография аппараттары енгізілген. Бүгінгі таңда елімізде 3 мыңнан астам рентген-аппарат жұмыс істейді, оның 1118-і жылжымалы, олар ауылда диагностикалық қызмет көрсету үшін қолданылатын болады. Аудандық ауруханалар үшін тағы 53 рентген аппараты сатып алынуда", деді ол.
Қосымша 100 жылжымалы мобильді кешенді жеткізу жоспарлануда, олар барлық қажетті жабдықтармен, оның ішінде ауыл тұрғындарын тексеруге арналған рентген-аппараттармен толықтырылады.
