Олар науқастың өкпесіне барып тұрған оттегінің шамасын анықтайтын пульсоксиметрдің 10 данасын, "Бобров" оттегі концентратынан 10 дана және 10 редуктор алып берді. Аталған медициналық жабдықтарды Сайрам аудандық ауруханасы мен емханасына Түркістан облысы бойынша бас имам Мұсабек қажы Ақтамберді табыстады. Қазір аудан ауруханаларында 41 адам COVID-19 індетімен, 394 науқас өкпенің қабынуына (пневмониядан) қарсы ем алуда.
Сайрам ауданы мешітінің имамдары мен еріктілер дертіне дауа, жанына шипа іздеген науқастардың өмірін сақтап қалуға бағытталған ҚМДБ Зекет қоры "Өмірге үміт сыйла" жобасы аясында осылай өз үлестерін қосты.
