Елорда • 28 Шілде, 2020

Елорданың Үркер тұрғын алабына су тартылды

336 рет
көрсетілді
1 мин
оқу үшін

Мұнда екі қоғамдық кеңістіктің құрылысын аяқтап жатыр. Бұл туралы елорда әкімдігінің ресми сайтыны сілтеме жасай отырып Egemen.kz хабарлайды.

Елорданың Үркер тұрғын алабына су тартылды

Бүгін Нұр-Сұлтан әкімі Үркер елдімекенінде жүргізіліп жатқан жұмыстардың барысымен танысты.

"Елді мекенде "Ауған орамы" бар (екінші сектор). Былтыр елді мекен тұрғындары үйлерді сумен қамтамасыз ету, көшелер мен жолдарды жарықтандыру бойынша бірқатар мәселені көтерді. Биыл жазда ауданның барлық үйлеріне су тартылды. Жол төселіп, жарық берілді. Кәріз жұмыстары жүргізіліп жатыр. Сонымен бірге оқу жылы басталғанға дейін елді-мекенде ұялы байланысты жақсарту үшін антенна орнатуды тапсырдым", деп жазады Алтай Көлгінов өзінің Instagram парақшасында.

Сонымен қатар Үркер елді мекенінде екі қоғамдық кеңістіктің құрылысы аяқталады.

"Бұл жергілікті тұрғындар уақытын пайдалы өткізетін жерге айналмақ. Үркер елді-мекенінде 2 мың орындық мектеп құрылысын жоспарлап отырмыз. Жыл соңына дейін елді мекенде 10 канализациялық сорғы стансасын орнатамыз, 8,5 км жол асфальттаймыз", деп атап өтті Алтай Көлгінов.

Қалада барлығы 280 мың халық тұратын 16 елді-мекен бар. Бұл — қала халқының төрттен бірі. Жұмыстар барлық елді мекендерде жүргізіліп жатыр. Елді мекендерді дамыту мәселесі Мемлекет басшысының бақылауында.