Аймақтар • 29 Шілде, 2020

Елордадағы қарттар үйіне гуманитарлық көмек жеткізілді

15 рет көрсетілді

Мекемедегілерге маскалар, антисептиктер мен қолғаптар таратылды, деп хабарлайды елорда әкімдігінің ресми сайты.

Бүгін "Добро-Соседство" акциясы аясында Қазақстан жастары Конгрессі мен Әлеуметтік қызмет көрсету орталығы "Шарапат" қарттар үйіне Ресейден гуманитарлық жүк жеткізі. Оның ішінде маскалар, қолғаптар, антисептиктер, термометрлер, тонометрлер, ингаляторлар және басқа да жеке қорғану құралдары бар.

Естеріңізге сала кетейік, Ресейдің "Добро-Соседство" коммерциялық емес ұйымдарының қоғамдық бастамасы аясында Қазақстанға COVID-19-бен күресуде көмек көрсетіледі. 13 шілдеден бастап Қазақстан қалаларына COVID-19-бен күресу үшін гуманитарлық жүктер жіберілді: 150 мың маска, 25 мың қолғап, 3 мың антисептик, 300 термометр, 100 тонометр, 50 ингалятор және басқа да жеке қорғану құралдары. Жүктің жалпы құны 1,5 млн рубльден немесе 8,6 млн теңгеден астам.

"Осыған байланысты біз, үкіметтік емес сектор, күш-жігерімізді біріктіріп, көмек көрсетуді шештік. "Добро-Соседство" акциясы аясында Қазақстан жастар конгрессі өңірлерге жүктерді қабылдап, жеткізуді жүзеге асырады. Жүк Нұр-Сұлтан, Алматы, Қостанай, Көкшетау, Петропавл, Шымкент және Орал қалаларына жеткізіледі. Бүгін "Шарапат" әлеуметтік қызмет көрсету орталығы мен қарттар үйіне 15 мың маска, 400 антисептик және мың қолғап жеткізілді. Сонымен қатар, мекемедегілерге қажетті дәрі-дәрмектерді де әкелдік. Мұндай көмек жалғасатын болады. Бұған дейін біз гуманитарлық жүкті "Нұрлы жүрек" әлеуметтік қызмет көрсету орталығына, "Үміт" Томотерапия және ядролық медицина ауруханалық кешеніне, SOS балалар үйіне, сондай-ақ қиын жағдайға тап болған адамдарды қайта әлеуметтендіру орталығына таратқан болатынбыз", – дейді қалалық жастар саясаты мәселелері басқармасының басшысы Дәулет Кәрібек.

Соңғы жаңалықтар

Ұқсас жаңалықтар