Еліміздің Қарулы күштері дезинфекциялау жұмыстарын жалғастыруда

Қазақстан • 29 Шілде, 2020

Еліміздің Қарулы Күштері дезинфекциялау жұмыстарын жалғастыруда

25 рет көрсетілді

Еліміздің Қарулы Күштерінің қызметіне жатпайтынына қарамастан, жергілікті атқарушы органдар мен халыққа дезинфекциялау бойынша жұмыстарға көмек көрсетті және ол көмекті әлі де жалғастырып келеді. Бұл туралы Қорғаныс министрлігінің баспасөз қызметіне сілтеме жасай отырып Egemen.kz хабарлайды.

Айым ДӘУІТ

ТЖ режімі кезінде әскери қызметшілер Нұр-Cұлтан мен Алматы қалаларын қоса, эпидемиялық жағдайдың нашарлауына және КВИ өршуіне байланысты дезинфекция жұмыстарын жүргізетін қалалардың саны 29-ға дейін өсті. Дезинфекциялау жұмыстарына қатысқан әскери қызметшілердің ең көп саны 3000-нан астам болды, ал қазір бұл міндетті 300-ден астам әскерилер орындап жатыр.

Бүгінгі таңда 10 елді мекенде дезинфекциялау жұмыстары жалғасуда, мен атап өткендей, төтенше жағдай кезінде бұл шара 29 қалада (Нұр-Сұлтан, Алматы, Талдықорған, Қапшағай, Сарыөзек, Жетіген, Тараз, Шымкент, Гвардейск, Арыс, Шиелі, Жаңақорған, Түркістан, Қызылорда, Ақтау, Атырау, Орал, Ақтөбе, Қостанай, Көкшетау, Петропавловск, Павлодар, Қарағанды, Балқаш, Семей, Өскемен, Аягөз, Үштөбе, Үшарал) жүргізілді.

Әскерлер жалпы аумағы 60 млн шаршы метр немесе 6 мың гектардай жерде 14 мыңнан астам нысан мен 4 мың шақырымнан асатын жолға дезинфекция жұмыстарын жүргізді.

Қазіргі уақытта санитарлық зарарсыздандыру бөлімшелерін дезинфекциялау құралдарымен әкімдіктер қамтамасыз етеді. Олардың атаулары көп, бірақ құралдардың құрамында хлор және басқа да тотықтырғыш бар. Қолданылатын қоспалар ауру тудыратын бактерияларды, вирустарды және тіпті зең саңырауқұлақтарды кепілді жояды. Медицина және шаруашылық қызметте олардың көмегімен қауіпті инфекцияларды жоюға пайдаланылады (туберкулез, гепатит вирустары, полиомиелит және басқалар). Кейбір қалаларда бөлімшелерге қолдануға дайындалған сұйықтықтар берілсе, басқа қалаларда залалсыздандыру құралдары жұмыс жүргізілетін орында нұсқаманы қатаң сақтай отырып, дайындалады, құрал дайындалған сайын комиссия актімен өткізеді.

Егер таза ауада нысандарды залалсыздандыру үшін бір құралдар пайдаланса, ғимараттардың ішінде басқа құралдар қолданылады.

Қолданылатын құралдар азаматтардың денсаулығы мен қоршаған ортаға зиянын тигізбейді.

Дайын дезинфекциялық ерітінді өңделетін нысандардың бет жағына қолданылған кезде бірнеше сағат бойы өзінің қасиеттерін сақтайды, күн сәулесі мен ауаның әсерінен ерекшіліктерін жоғалтады. Қоршаған ортаға және экологияға зақым келтірмеу үшін дезинфекторларға ерітіндіні өсімдіктер мен топыраққа қолдануға тыйым салынған.

Дезинфекция жұмыстары әкімдіктермен тығыз байланыс арқылы жүргізілуде. Арнайы өңдеу топтары жергілікті атқарушы органдардың тапсырысы бойынша ғана объектілерде дезинфекциялау жұмыстарын жүргізеді. Сонымен қатар, әскери бөлімдердің аумағында дезинфекциялау жұмыстары тұрақты түрде жүргізіледі.

Дезинфекция кезінде адамның қолы тиетін нысандар мен заттарды өңдеу сапасына ерекше назар аударылады, бұл есік тұтқалары, баспалдақ таяныштары, орындықтар және т.б., сонымен қатар дезинфекцияның толықтай жүргізілуіне, яғни ерітіндінің нысан бетіне біркелкі және алшақтықсыз қолданылуына.

Әлеуметтік желілерде әйел адамның көшелерді дезинфекциялап жатқан әскери қызметшілерге сұрақ қоятын видео пайда болды. Бейнеде әйелдің дезинфекция жасап жатқан әскери қызметшілерге жақындап, дезинфекция үшін қолданылып жатқан – бұл қарапайым су деп мәлімдейді. Шындығында, бұл әкімдіктің бөлімшелері көшелерді дезинфекциялау үшін берген арнайы ерітіндісі. Сондықтан осы бейнеде көрсетілген мәлімет шындыққа келмейді.