Аймақтар • 29 Шілде, 2020

Алматы әкімі 500 орынды жаңа госпитальдің ашылу дайындығының барысымен танысты

16 рет көрсетілді

Қала әкімінің тапсырмасы бойынша төсек-орындар санын арттыру қажеттілігіне байланысты орталықтың салынып жатқан жаңа нысаны арнайы әлеуметтік қызмет көрсететін бірінші эшелонның инфекциялық стационары ретінде қайта бейімделеді, - деп хабарлайды Egemen.kz

Б.Сағынтаев күн сайын функционалды госпитальдегі жөндеу және әрлеу, жоспарлау жұмыстарының қалай жүріп жатқанын тексеріп отырады. Мұнда науқастар палаталары, жансақтау бөлімі, ПТР тестілеуден өткізетін зертхана әрі медициналық қызметкерлерді даярлайтын және қайта даярлайтын орталық болады. Яғни, заманауи медициналық құралдармен жабдықталған жеке медициналық мекеме құрылады.

Еске салсақ, бүгінгі күні Алматыда COVID-19-бен күреске 27 медициналық ұйым жұмылдырылған. Төсек-орын қорының жалпы саны алты мың орыннан асады. Ал, төсек-орынның пайдаланылуы 90-нан 50 пайызға дейін төмендеген.

2

Қазіргі кезде күзгі-қысқы маусымда болуы мүмкін пандемияның жаңа толқынына дайындық барынша қарқынды жүруде. Сондықтан бірінші эшелондағы инфекциялық стационарларда төсек-орын (ауыр жағдайдағы науқастар үшін) саны тағы 1015 орынға артады.

Соңғы жаңалықтар

Ұқсас жаңалықтар