Кәсіпкерлік субъектілер де бұл істен сырт қалмай, коронавирус пандемиясымен күресте өздерінің қолдарынан келген үлестерін қосуда. Бүгінде «Dolce-Pharm» ЖШС отандық фармацевтикалық өндірістік компаниясы бизнестің әлеуметтік жауапкершілігі аясында 100 мың маска берді, олар шаһардағы 23 медициналық мекеме арасында бөлініп, таратылады.
"Бүгінгі таңда біз қалаға 100 мың маска сыйладық. Бұл әкімдікпен шешілген мәселе. 5340 орынға 23 ауруханаға біз 100 мың көмір фильтрлі маска беретін боламыз. Өз кезегінде біз барлық ауруханаларға Әкімдік берген ауруханалар тізімі бойынша өз есебімізден жеткізетін боламыз", - деді Dolce компаниясының коммерциялық директоры Баян Демеуова.
Қарапайым маскалар тек 2 сағат тағылса, көмір фильтрлі масканы 4-5 сағат бойы, екі есе ұзағырақ тағуға болады.
Сонымен бірге, ол болашақта онкологиялық және балалар ауруханасының медициналық қызметкерлерін маскалармен қамтамасыз етуде көмек көрсету жоспарлануда.
Жалпы, "Dolce-Pharm" компаниясы Алматы қаласының әкімдігімен келісім аясында мегаполистің 23 дәріханасына маскалар жеткізеді. Пандемия басталғалы Dolce компаниясы қаланың дәріханаларына күн сайын 2-3 мың маска жеткізіп отырған.
