Аймақтар • 30 Шілде, 2020

Ақмолада жыл басынан бері 49 адам қылмыстық жауапкершілікке тартылды

17 рет көрсетілді

Ақмола облысында ағымдағы жылдың бірінші жартыжылдығында 49 адам қылмыстық жауапкершілікке тартылды. Бұл туралы өңірлік Сыбайлас жемқорлыққа қарсы қызмет басшысы Мұрат Төлеубаев онлайн-брифинг барысында мәлімдеді, деп хабарлайды Egemen.kz

"Жауапқа тартылған 49 адамның 17-сі басшылар, оның ішінде 3 – республикалық, 6 – облыстық, 5 – қалалық және аудандық маңызы бар және 3 ауылдық округ әкімдері", деді Мұрат Төлеубаев.
 
Спикердің ақпараты бойынша, ағымдағы жылдың 6 айында өндірісте болған 100-ден астам қылмыстық істердің 74%-ы ауыр қылмыстарға жатады. Оның ішінде 36 адамға қатысты 42 іс сотқа жолданды. Сондай-ақ, облыстың Сыбайлас жемқорлыққа қарсы қызметі жүйелі сыбайлас жемқорлықтың 6 фактісін анықтады, онда 28 қылмыс әшкереленді және 19 адам жауапқа тартылды. Мысалы, облыстың Мәдениет, мұрағаттар және құжаттама басқармасының басшысына қатысты қылмыстық іс өндіріспен аяқталды және сотқа жіберілді. Ол басқа мемлекеттік мекемелер мен ұйымдар басшыларымен қылмыстық сөз байласып, жүйелі негізде "Рухани Жаңғыру" мемлекеттік бағдарламасы шеңберінде жүзеге асырылатын жобаларды іске асыру бойынша мемлекеттік сатып алуды өткізу кезінде пара алу және бюджет қаражатын ұрлау бойынша сыбайлас жемқорлық схемаларын ұйымдастырған.
 
Шағын және орта бизнес қызметіне араласудың бірқатар фактілерінің жолы кесілді. Атап айтқанда, алдау жолымен компания директорынан өнеркәсіптік қауіпсіздік саласындағы жұмыстарды жүргізуге аттестат алуға байланысты мәселені оң шешкені үшін 800 мың теңге сомасында ақшалай қаражат алған үшін Индустриялық даму және өнеркәсіптік қауіпсіздік комитеті департаментінің басшысы сотталды.
 
Мемлекеттік бағдарламаларды сүйемелдеу аясында өңірдің Сыбайлас жемқорлыққа қарсы ведомствосымен 15 қылмыс тіркелді. Лауазымды тұлғалардың көлеңкелі экономика субъектілеріне қамқорлық жасау фактілері анықталды. Ағымдағы жылдың 6 айындағы жұмыс қорытындысы бойынша мемлекетке өтелген залал 500 миллион теңгеден астам соманы құрады.
 
"Сыбайлас жемқорлыққа қарсы қызмет өз қызметінде сыбайлас жемқорлық әрекеттерін жасағаны үшін жазалаудың бұлтартпастығы қағидатын басшылыққа алатынын айтқым келеді. Әрбір азаматты сыбайлас жемқорлықтың кез келген көріністеріне төзбеушілік танытуға және осындай құқық бұзушылықтарға тап болған кезде дереу хабарлауға шақырамын", деп қорытындылады облыстың Сыбайлас жемқорлыққа қарсы қызметінің басшысы.
Соңғы жаңалықтар

Сын айту оңай...

Қоғам • Бүгін, 07:07

Сіз неге түшкіресіз?

Руханият • Бүгін, 07:00

Онлайн кеңес өткізді

Саясат • Бүгін, 06:50

Шығыстың киелі жерлері

Аймақтар • Бүгін, 06:48

Мұздықтар «мұңы»

Әлем • Бүгін, 06:41

Астық тасымалдауға дайын

Экономика • Бүгін, 06:39

Еңбекпен ер атанғандар

Қоғам • Бүгін, 06:34

Қой шаруашылығын құнттасақ...

Экономика • Бүгін, 06:32

Вальс королі

Руханият • Бүгін, 06:30

Apple-ді таңдандырған Асқар

Аймақтар • Бүгін, 06:30

Ұқсас жаңалықтар