Елорда • 03 Тамыз, 2020

Нұр-Сұлтанда автобусқа маскасыз кіруге тыйым салынады

315 рет
көрсетілді
1 мин
оқу үшін

Қалада қатаң санитарлық шаралар сақтала отырып, қоғамдық көлік жұмысы қайта жанданды, деп хабарлайды елорда әкімдігінің ресми сайты.

Нұр-Сұлтанда автобусқа маскасыз кіруге тыйым салынады

Бүгін, 3 тамызда елордада қоғамдық көліктер қайта жүре бастады. Сонымен бірге, CTS қызметкерлерімен маршруттардың деректерге негізделген жұмыс жүктемесін және қозғалыс кестелерін модельдеу бойынша талдау жүргізілді.

"Бүгін қоғамдық көліктер өз жұмысын бастады, бірақ әзірге жедел маршруттар мен қала маңындағы маршруттардың қозғалысы тоқтатылды.Көліктік бақылау қызметкерлері қоғамдық көліктерде маска тағу тәртібінің сақталуын қадағалауда. Жүргізушілердің маска тағуы, автобустарда дезинфекция құралдары болуы қадағаланады. Жағдай тұрақты. Жолаушылар легі орташа деңгейде сақталуда", деді "City Transportation Systems" ЖШС басқарма төрағасының орынбасары Бауыржан Сейітов.

"Біз жұмысымызды сағындық! Барлық жолаушылар санитартя талаптарын сақтайды. Адамдар маскасыз кіріп жатқан жоқ", дейді № 1 автобус паркінің жүргізушісі Мейрам Дәулетбеков.

Хабарланғандай, 1 тамызда Нұр-Сұлтан қаласының әкімі Алтай Көлгінов карантин кезеңіндегі қоғамдық көліктердің дайындығымен танысты. Жұмыс берушілер мен қала тұрғындарының өтініші бойынша 3 тамыздан бастап автобустардың қозғалысы қайта жанданды. Автобустар сағат 6:00-ден 21:00-ге дейін жүреді. Автобусқа отырғызу тек алдыңғы есік арқылы жүзеге асырылады. Жол жүру ақысы қолма-қол ақшасыз төлемдер арқылы жасалады. Автотұрақтардың жұмысын жақсарту үшін 100 электр автобусы сатып алынып, тапсырылды, қала тұрғындарының тілектері ескеріліп, жаңа бағыттар ашылды. Көліктік бақылау департаменті күн сайын қоғамдық көлікте санитария нормаларын сақтау бойынша рейд жүргізеді.

Соңғы жаңалықтар

Су үнемдейтін қондырғы

Технология • Кеше