Елорда • 03 Тамыз, 2020

Жұмыссыздар үшін қажетті мамандықтарды тегін оқытуға өтінім қабылдау басталды

1057 рет көрсетілді

Оқыту кезінде 21 787 теңге көлемінде шәкіртақы төленеді. Бұл туралы Нұр-Сұлтан әкімдігінің баспасөз қызметіне сілтеме жасай отырып Egemen.kz хабарлайды.

"Еңбек" мемлекеттік бағдарламасы аясында жұмыс берушілердің өтінімі арқылы ұйымдастырылатын кәсіптік оқытудан кейін жұмыссыздар ары қарай еңбекпен қамтылады. Елордалық жұмыспен қамту орталығындағы қысқа мерзімді кәсіптік оқытуға қатысу үшін алдын ала жазылу қажет.

Аспаз, наубайшы, кондитер, тігінші, тігінші шебер, шебер-шаштараз, бақылаушы-кассир, анимация және видеография, тәрбиешінің көмекшісі, жиһаз құрастырушы, ағаш бойынша бояу цехының шебері, арматурашы, монтажшы, газ жабдығын пайдалану және жөндеу жөніндегі слесарь, газ электр дәнекерлеушісі, электрослесарь, жартылай автоматты машинадағы электр дәнекерлеушісі мамандықтарын даярлау бойынша оқытылады.

Бүгінгі таңда "Еңбек" мемлекеттік бағдарламасы аясында қысқа мерзімді кәсіптік оқуға қатысу үшін 155 орын ашылды. Оқыту мерзімі біліктілік пен дағдыларына байланысты бір айдан үш айға дейінгі аралықты қамтиды. Кәсіптік оқыту білім беру ұйымдарында дуальды оқыту элементтерімен жүзеге асырылады. Қатысушылар – жұмыспен қамту орталығында тіркелген жұмыссыздар, жұмысынан қысқарғандар.

"Қатысу үшін Нұр-Сұлтан қаласында тұрақты немесе уақытша тіркеудің болуы, қолданыстағы немесе тоқтатылған ЖК немесе ЖШС болмауы қажет. Бағдарламаға қатысушылар мемлекеттік қолдаумен қамтамасыз етіледі, оқу кезеңінде 21 787 теңге мөлшерінде шәкіртақы және медициналық тексеруден өту үшін 5 556 теңге (2 АЕК) мөлшерінде материалдық көмек төленеді", деп хабарлады елордалық жұмыспен қамту орталығы.

Соңғы жаңалықтар

Жартылай финалда сүрінді

Теннис • Бүгін, 07:56

Көкпар – ұлттық мінез

Руханият • Бүгін, 07:50

Ақ үйдің алғашқы мейманы

Әлем • Бүгін, 07:38

Ескі үйлерді есіркеген жоба

Аймақтар • Бүгін, 07:33

Рамзайдың «жұмбағы»

Сұхбат • Бүгін, 07:13

Нар тұлға

Руханият • Кеше

Екпе салдыру өзекті

Медицина • Кеше

Ақ үйдің алғашқы мейманы

Әлем • 17 Сәуір, 2021

Ұқсас жаңалықтар