Елорда • 05 Тамыз, 2020

Елорда полицейлері табиғат аясында көпшілік жиналатын орындарға экопатруль жүргізеді

10 рет көрсетілді

Экологиялық құқық бұзушылықтарды анықтау және жолын кесу және экологияны жақсарту, халықтың табиғатқа ұқыпты қарауды дамыту бойынша шаралар қабылдау мақсатында, Нұр-Сұлтан қаласының аумағында "Таза Қазақстан" айлығы өтуде, деп хабарлайды Нұр-Сұлтан қалалық полиция департаменті.

Экологиялық полиция қызметкерлері, учаскелік инспекторлар мен патрульдік полиция қызметкерлері жедел алдын алу іс-шараларын өткізу кезінде су қоймаларына жақын адамдар көп жиналатын жерлерде рейдтер ұйымдастырды. Полиция қызметкерлері белгіленбеген орындарда абаттандыру, балық аулау, ортақ су пайдалану ережелерін бұзу, алкогольдік ішімдіктер ішу, ортақ пайдалану орындарын ластау фактілерінің жолын кесуде, сондай-ақ табиғат қорғау заңнамасын басқа да бұзушылықтарды анықтау бойынша шаралар қабылдануда.

Жедел алдын алу іс-шарасы басталғаннан бері тәртіп сақшылары 200-ге жуық әкімшілік құқық бұзушылықты анықтады.

Халыққа әкімшілік заңнама нормалары түсіндіріледі, сондай-ақ мәслихаттың 2017 жылғы 20 шілдедегі №166/21-VI шешімімен бекітілген "Қала аумағын абаттандыру ережелерін" сақтау бойынша профилактикалық әңгімелесу өткізіледі.

Жалпы су пайдалану ережелерін бұзғаны үшін 35 жастағы елорда тұрғыны ҚР ӘҚБК 364-бабы бойынша әкімшілік жауапкершілікке тартылды. Ер адам "ГАЗ" автокөлігімен белгіленбеген жерден, атап айтқанда Нұра-Есіл өзенінен су алуға жол берген.

Сонымен қатар, Нәжімеденов көшесіндегі құрылыс объектісіне іргелес аумақты уақытылы тазаламағаны үшін құрылыс компаниясы ҚР ӘҚБК 505 бабы бойынша әкімшілік жауапкершілікке тартылып, 40 АЕК көлемінде айыппұл салынды.

Соңғы жаңалықтар

Ұқсас жаңалықтар