Фронт-офистер 2020 жылдың 4 тамызынан бастап Болашақ 4/2 (Көктал-1), Ж.Жабаев к-сі, 12 (Железнодорожный) мекен-жайларында жұмыс істейді. Фронт-офистердің жұмыс уақыты 9:00-ден 18:00-ге дейін, түскі үзіліс 13:00-ден 14:00-ге дейін.
Сондай-ақ аталған мекенжайларда газдандыру жұмыстары кезінде бұзылған абаттандыруды қалпына келтіруге өтінімдер қабылданады. Фронт-офистерде қала және аудан әкімдігі, "ҚазТрансГаз Аймақ" АҚ өкілдері мен мердігерлердің жұмысы ұйымдастырылған. Газдандыру мәселелері туралы ақпарат қала әкімдігінің astana.gov.kz сайтында, 109Ikomek телефоны бойынша қолжетімді.
