Үкімет • 06 Тамыз, 2020

Тергеу басталды: тықыр таянды ма?

3916 рет көрсетілді

Мемлекет басшысы Қасым-Жомарт Тоқаев 10 шілдеде өткен Үкіметтің кеңейтілген отырысында жүйелі жұмыс істемей жатқан салаларды қатаң сынға алған болатын. Ел дамуына тежеу болған мұндай салалардың саны бір емес, бірнешеу. Оның қатарында еліміздің денсаулық сақтау, білім және ғылым, цифрлы даму салалары да бар.

Президенттің баспасөз қыз­меті Туиттердегі @AkordaPress ресми парақшасында Мемлекет бас­шысының Үкіметтің кеңей­тілген отырысында сөйлеген сөз­­дерін де жариялаған еді. «Дағ­да­рыс кезінде цифрландыру қыз­метінің де рөлі мүлде байқал­ған жоқ. Цифрлы комиссар­лар қан­дай жұмыс бітіріп жатыр?» деді Қ.Тоқаев. Арада он күн күн өткен соң 20 шілдеде Цифрлық даму, инновациялар және аэроға­рыш өнеркәсібі ми­нистрі Асқар Жұ­ма­ғалиев қыз­метінен босатылды.

Ертесіне, 21 шілдеде Сыбай­лас жемқорлыққа қарсы іс-қи­мыл агент­тігі­нің 2020 жыл­дың бірін­ші жарты­жылдығы­ның қоры­тындылары бойынша алқа оты­рысы өтті. Онда осы ведомст­во­ның төрағасы Алик Шпек­баев еліміздегі екі бірдей министр­ліктің қыз­мет­­керлеріне қатысты тергеу амалдары басталғанын жет­­кізді. «Біз бюджет қара­жа­тын жымқыруға жол бер­мей, «Цифр­­лы Қазақстан» мем­лекет­тік бағдарламасын іске асыру­ға барынша ден қоюымыз қажет. Осы тұрғыда қазір цифр­лық даму мен Білім және ғылым министр­ліктерінің жоғары лауазымды тұлғаларына қатыс­ты цифр­ландыру бойынша 2 қыл­мыстық іс тергеліп жат­қа­нын айтқым келеді», деді ведомство басшысы.

Кейін Қаржы министрлі­гінің Қаржы мониторингі комитеті Денсаулық сақтау вице-ми­нистрі Олжас Әбі­шев­тің қа­мау­ға алын­ғанын жет­кіз­ді. Бұл лауа­зым­ды тұлға бюд­жет қара­­жа­тын жым­қырды де­ген кү­дік бар. «Бюд­жет қа­ра­­жа­тын жым­қырды деген кү­дік­­пен Ден­саулық сақтау вице-ми­нистрі Олжас Әбішевті Эко­­­но­­ми­калық тергеу қызметі қа­мау­ға алды», делінеді Қаржы мони­­торингі комитетінің рес­ми ақ­па­ратында. Елорда соты­ның бас­­пасөз қызметі таратқан мә­лі­мет­ке сенсек, вице-министр екі ай мерзімге қамауда ұсталады.

 

Соңғы жаңалықтар

Еуро тағы қымбаттады

Экономика • Бүгін, 17:05

Бәйтеректе өрт шықты

Аймақтар • Бүгін, 12:00

Ұқсас жаңалықтар