Тамыз айының алғашқы 10 тәулігінде ПТР сынақтың теріс нәтижесі бар КВИ-дың 13 280 адам тіркелді, оның 164-і қайтыс болды. Жалпы тәулікте 159 адам науқас тіркелді, оның 12-сі қайтыс болды.
"Провизорлық орталықтарда жедел әрекет ету үшін медқызметкерлерді дайындаудан бөлек, дәрі-дәрмектермен толықтыру бойынша ауқымды жұмыс атқарылуда. КВИ-қа ұқсас белгілері бар пневмониямен сырқаттанған науқастар үшін алдын ала бір айлық қорға есептелінген аппараттар сатылып алынды. 8,7 млрд болатын 91 түрлі дәрі-дәрмектер жөнелтілді. Бұл орташа 40 мың науқасқа жетеді", деді Б. Қожахметов.
15 тамыздан бастап тағы да екі айға жететін қор әзірленуде. Стационардағы 200 мың науқасқа жететін дәрі-дәрмектің 50 түрі әзірленді. Сонымен қатар, амбулаторлық жағдайда ем алатын науқасқа емдеуге арналған дәрі-дәрмектің 5 түрін сатып алу үрдісі аяқталуда. Дәл осындай ауқымды шаралар алғашқы рет қабылданып отыр.
"Сырқаттанып, вирус жұқтыру бойынша күдіктенсеңіз, тіркелген ауруханаңызға барып қаралсаңыз болады. Егер вирус жұқтырғаныңыз анықталса, бұрынғыдай дәріхана жағалап жүрмей-ақ қойыңыздар! Атап айтқанда, аурудың асқындырмай, қажетті парацетамол, ибупрофен және басқа да сынды препараттар еліміздің барлық емханаларға жеткізіледі. Дәрі-дәрмектерді жеткізу "СК-Фармация" компаниясымен жүргізіліп жатыр", деді ДСМ өкілі.
