Аймақтар • 12 Тамыз, 2020

А.Сапаров Алматы облысындағы егін жинау барысымен танысты

12 рет көрсетілді

Ауыл шаруашылығы бірінші вице-министрі Айдарбек Сапаров Алматы облысына жұмыс сапарымен барды. Сапар барысында ол бірқатар шаруа қожалықтарын аралап, аймақтағы егін жинау науқанының барысымен танысты.

2020 жылы Алматы облысының фермерлері 970 мың гектарға жуық егін екті. Бұл 2019 жылмен салыстырғанда, 7,5 мың гектарға артық. Дәнді және бұршақ дақылдары - 470 мың гектарға, майлы дақылдар - 154,7 мың гектарға, қант қызылшасы 16 мың гектарға, жүгері - 86,5 мың га, картоп - 40,3 га, көкөністер - 32,5 мың га, бақша дақылдары - 4,3 мың га егілді.

Бүгінгі таңда фермерлер 180 мың гектар жерден дәнді және бұршақ дақылдарын жинады (жиналған алаңның 38,2%-ы). Қазірдің өзінде 308 мың тонна астық бастырылды, облыс бойынша орташа өнімділік 17,1 ц/га құрайды.

Бірінші вице-министр А.Сапаровтың айтуынша, егін жинау белгіленген жоспар бойынша жүріп жатыр.

"Министрлік пен әкімдіктер фермерлерді қаржы, жанар-жағар май, ауылшаруашылық химия өнімдерімен уақтылы қамтамасыз ету бойынша жұмыстар жүргізді. Осының бәрі тазартуды былтырғыдан ертерек бастауға мүмкіндік берді", - деді А.Сапаров.

Сапар барысында бірінші вице-министр "Байсерке-Агро" ЖШС-нің алқаптарын аралап, "Ұлттық аграрлық ғылыми-білім беру орталығы" КеАҚ  жүйесіне кіретін ауыл шаруашылығы холдингі мен мамандандырылған ғылыми-зерттеу институттарының бірлескен жұмысының нәтижелерімен танысты.

Айта кетейік, жыл басынан бері ҚР Ауыл шаруашылығы министрлігі фермерлерге ғылыми зерттеулер жүргізу мен инновацияларды енгізу шығындарын өтей бастады. Мемлекеттік көмек ғылыми ұйымдардың қызметтерін сатып алу шығындарының 80% - ын жабады. Бұл бизнес пен ғылымның интеграциясын қамтамасыз етеді және  ауыл кәсіпкерлерін ғылыми зерттеулер инвестицияларына ынталандырады.

Естеріңізге сала кетейік, бұған дейін хабарлағанымыздай жаппай егін жинау науқаны Ақтөбе, Алматы, Шығыс Қазақстан, Жамбыл, Батыс Қазақстан, Қызылорда және Түркістан облыстарында жүргізіліп жатыр.  Бүгінгі таңда 1 миллион гектарға жуық егін жиналды.

Соңғы жаңалықтар

Болашақтан ұялу

Таным • Бүгін, 06:24

Елдіктің жампоз жыршысы

Руханият • Бүгін, 06:22

Арысын сүйген ән-жүрек

Өнер • Бүгін, 06:20

Домбыраны әлемге дәріптеген

Руханият • Бүгін, 06:19

Құс тұмауы құтырып тұр

Қоғам • Бүгін, 06:15

Алмалы аудан

Аймақтар • Бүгін, 06:14

Ұқсас жаңалықтар