Аймақтар • 13 Тамыз, 2020

Атырауда 3000 ноутбук пен 3000 роутер сатып алынады

129 рет көрсетілді

Өңірде оқушылардың қашықтан оқуы үшін 3000 ноутбук пен 3000  роутер сатып алынады. Бұл туралы облыс әкімі мәлім етті, - деп хабарлайды Egemen.kz.

«Биыл жаңа оқу жылында  196 мектепте 131 900 оқушы білім алады. Алайда, 16 693 оқушыға компьютер қажеттігі анықталды. Осыған орай    оқушыларға мектептердегі 15 246 компьютер қайтарымды келісіммен таратылып берілді. Бірінші кезекте көп балалы отбасылар мен аз қамтылған жанұяларға қамтылды. Ал, интернетке қосылуды қажет ететін 3000 оқушы үшін мобильді байланыс операторлармен келісімсөз жүргізіліп, жалпыға міндетті оқу қорынан қайтарымсыз негізде 3000 роутер сатып алынуда. Сондай-ақ, 355 мұғалімге компьютер техникасы қажет. Оларға мектеп компьютерлері беріледі. Мұғалімдердің мектепке келіп, жұмыс істеуіне мүмкіндік жасалады», деді облыс әкімі Махамбет Досмұхамбетов.

Әкімнің мәлім етуінше,  1611 ноутбук сатып алуға жергілікті бюджеттен 282 млн теңге бөлініпті. Сонымен бірге, республикалық бюджеттен қаралған қаржының 250 млн теңгесіне 1389 ноутбук сатып алу жоспарланыпты. Мұның бәрі тамыздың соңына дейін сатып алынғалы отыр.

 

Соңғы жаңалықтар

Ұлттық үрдістер үзілмейді

Қазақстан • Кеше

Пневмониядан 1 науқас қайтыс болды

Коронавирус • 10 Сәуір, 2021

Ұқсас жаңалықтар