Президент • 19 Тамыз, 2020

Қасым-Жомарт Тоқаев кәсіпкерлікті жемқорлық қысымынан қорғау туралы айтты

1238 рет көрсетілді

Мемлекет басшысы Қасым-Жомарт Тоқаев сыбайлас жемқорлыққа қарсы күрес мәселелері жөнінде өткізген кеңесте кәсіпкерлік саласына да тоқталды, деп хабарлайды Egemen.kz.

Президент соңғы бес жыл ішінде қылмыстық істер бойынша заңды тұлғаларға кедергі келтіргені үшін 11 адам, рейдерлік істер бойынша - 7 адам сотталғанын айтты.

"Бұл сандар бизнесті қорғаудың құқық қорғау бойынша тетіктері құлдырап бара жатқанын көрсетеді.Сонымен бірге, мен былтырғы Жолдауымда заңды кәсіпкерлікке кедергі жасау - мемлекеттің ауыр қылмысы деп айтқан болатынмын. Мұны барлық құқық қорғау органдары, соның ішінде Бас прокуратура да есте сақтауы керек", - деді Қасым-Жомарт Тоқаев. 

Үкіметке Бас прокуратурамен бірге бір ай ішінде көтерілген барлық мәселелер бойынша нақты ұсыныстар енгізу тапсырылғанын атап өткен Мемлекет басшысы бұл салада белгілі бір оң үрдістер бар екенін де жасырмады.

"Біз енгізген сыбайлас жемқорлыққа қарсы қолдау институты алғашқы жемісін беруде. Тек осы жылдың бірінші жартыжылдығында 510 бизнес-жоба бойынша 114 заңсыз араласу фактісі анықталды. Бұл жұмысты жалғастыру қажет. Бас прокуратура кәсіпкерлерді қылмыстық қудалау орбитасына негізсіз тарту фактілерін дереу болдырмауға міндетті. Кәсіпкерлер мен инвесторлар сыбайлас жемқорлық қысымынан қорғаныс барын сезінуі керек", деді Президент.

Соңғы жаңалықтар

Меркель қызметінен кетті

Саясат • Бүгін, 17:30

Сарапшы Головкинді қатты сынап тастады

Кәсіпқой бокс • Бүгін, 16:15

Ұқсас жаңалықтар