Спорт • 20 Тамыз, 2020

Чемпиондар лигасы. Финал. «Бавария» vs ПСЖ!

110 рет көрсетілді

«Бавария» Чемпиондар лигасының жартылай финалында француздың «Лион» командасынан басым түсіп, финалда тағы бір француз клубы ПСЖ-ның қарсыласы атанды, деп хабарлайды Egemen.kz тілшісі.

Португалияның Лиссабон қаласындағы «Жозе Алваладе» стадионында өткен матч 3:0 есебімен аяқталды. 18-ші және 33-ші минуттарда Германия құрамасының шабуылшысы Серж Гнабри дубль авторы атанса, 88-ші минутта поляк шабуылшысы Роберт Левандовски гол соғып, ойынның нүктесін қойды.

Жартылай финалға дейін «Бавария» «Челсиді» (3:0, 4:1) мен «Барселонаны» (8:2) жолдан тайдырса, «Лион» «Ювентус» (1:0, 1:2) пен «Манчестер Ситиді» (3:1) артта қалдырған еді.

«Баварияның» финалдағы қарсыласы ПСЖ жартылай финалда неміс «РБ Лейпцигті» (3:0), «Аталантаны» (2:1) және Дортмундтың «Боруссиясын» (1:2, 2:0) жеңген болатын.

Финал 23 тамыздан 24 тамызға қараған түні Нұр-сұлтан уақытымен 00:50-де «Эштадиу да Лушта» стадионында өтеді.

«Бавария» үшін алдағы финал тарихта 11-ші, ал ПСЖ үшін – бірінші болмақ. Мюнхендіктер бұған дейін бес рет Чемпиондар лигасының жеңімпазы атанды. Олар кубокты соңғы рет 2013 жылы басынан көтерген еді.

 

Статистика:

«Лион» – «Бавария» 0:3

Серж Гнабри 18, 33, Левандовски 88.

Допты иелік ету – 36% – 64%; соққы – 9:20; дәл соққы – 3:9; бұрыштама – 4:6; офсайд – 1:3; сары қағаз – 3:0; ойыншы алмастыру – 5:5.

«Лион»: қақпашы – Лопеш; қорғаушылар – Маркал (Шерки), Марсело, Денайер; жартылай қорғаушылар – Корне, Ауар, Бруно (Мендес), Какере, Дюбуа (Тете); шабуылшылар – Экамби (Рейне), Депай (Дембеле).

«Бавария»: қақпашы – Нойер; қорғаушылар – Киммих, Боатенг (Зюле), Алаба, Дэвис; жартылай қорғаушылар – Алькантара (Толиссо), Горетцка (Павар), Перишич (Коман), Гнабри (Коутиньо); шабуылшылар – Мюллер, Левандовски.

Соңғы жаңалықтар

«Қауіпті сынап» акциясы өтті

Аймақтар • Бүгін, 07:18

Комиссия отырысын өткізді

Саясат • Бүгін, 07:10

Өңірлік форумда бас қосты

Оқиға • Бүгін, 07:02

Байден формуласы

Әлем • Бүгін, 06:48

Жаяуға да жаза бар

Қоғам • Кеше

Ұқсас жаңалықтар