«Биыл жыл басынан бері 57 993 жол қозғалысы ережесін бұзу дерегі тіркелді. Оның 38 000-нан астамы Атырау қаласында анықталды. Жол қозғалысын бұзушылардың арасында көлік құралдарын мас күйінде басқарған 467 жүргізуші бар. Ал, 2 285 жүргізуші ұялы телефондыпайдаланса, 17 483-і жылдамдықты арттырған. Жолдың қарсы жолағына 203 жүргізуші шығып, 547-сі жаяу жүргіншіні жібермей қойған. Қауіпсіздік белдігін тақпай, жолаушы тасымалдау ережесін сақтамаған 5 063 жүргізуші ұсталды» -деп хабарлады департаменттің баспасөз қызметі.
Жол ережесін бұзудан жаяу жүргіншілер мен басқа қатысушылар да қалыспайды. Олардың кінәсінен 4 261 дерек тіркеліп отыр. Жол ережесін бұзушыларға 488 млн 18 мың 853 теңге айыппұл салынып, 344 млн 403 мың 606теңгесі өндірілді.
