Президент өзінің Жолдауында, осындай өзекті мәселелерге тоқталды. Санитарлық талаптарды және өткен оқу жылында қашықтан оқытудағы жіберілген қателіктерді ескере отырып, Үкіметке толыққанды функциялары бар бірыңғай онлайн білім беру платформасын шұғыл әзірлеу керектігін және сапалы білім берудің қалыптасқан дәстүрлі тәсіліне қайта көшу тәртібін де әзірлеуді тапсырды.
Сонымен қатар білім саласындағы басты мәселелердің бірі – ол ұстаздар жалақысының аздығы болатын. Осы орайда, оның 2021 жылдың қаңтар айынан бастап 25 пайызға өсетіні қуанышты хабар болды.
Жолдауда еліміздің экономикасын бүгінгі қолайсыз жағдайда одан әрі дамыту үшін басым бағыттар белгіленіп, Үкіметке біраз тапсырмалар берілді. Менің ойымша, бұл тапсырмалар Үкімет пен Парламенттің бірлесе отырып шешетін мәселелері, осы орайда, алдағы уақытта қандай бағытта жұмыстар жүргізілетіні толықтай белгіленді.
Бүгінгі Жолдаудан кейін Қазақстан халқы бір серпіліп, осы белгіленген стратегиялық межелерді орындау үшін, жұмыла жұмыс істейміз деген пікірдемін.
Бақтыбай ШЕЛПЕКОВ,
Сенат депутаты
