Ақмола облысы әкімінің бірінші орынбасары Рәшит Әкімов салтанатты жағдайда облыстың 19 мемлекеттік мал дәрігерлік мекемелеріне жаңа қызмет көліктерінің кілттерін табыс етті. Бұл күні Абылай хан алаңынан 38 «SsangYong» және «УАЗ» маркалы жол талғамайтын арнайы автомобильдері малды ауылдарға аттанды. Жаңа көліктер мал дәрігерлік және дезинфекциялық құралдармен жабдықталған.
Ақмола облысы әкімінің бірінші орынбасары Рәшит Әкімов салтанатты жағдайда облыстың 19 мемлекеттік мал дәрігерлік мекемелеріне жаңа қызмет көліктерінің кілттерін табыс етті. Бұл күні Абылай хан алаңынан 38 «SsangYong» және «УАЗ» маркалы жол талғамайтын арнайы автомобильдері малды ауылдарға аттанды. Жаңа көліктер мал дәрігерлік және дезинфекциялық құралдармен жабдықталған.
Қызмет көліктері «Агробизнес-2020» бағдарламасы аясында ветеринариялық қызметтің материалдық-техникалық базасын нығайту үшін сатып алынды. Бұған дейін де әр ауылдық округте құрылған мал дәрігерлік пункттерге 237 «Нива» автокөлігі бөлінгендігін айта кеткен жөн. Жалпы, бұл мақсатқа 940 миллион теңге бөлініп, толық игерілген.
Салтанатты шарада сөз алған Сандықтау ауданындағы «Ветстанция-1» мемлекеттік коммуналдық кәсіпорнының директоры Молдыбай Байжігітов бұл автокөліктердің ветеринариялық қызметті дамытуға игі ықпалын тигізетіндігін айта келіп, Үкімет тарапынан жасалып жатқан қамқорлыққа алғысын білдірді.
Бақберген АМАЛБЕК,
«Егемен Қазақстан».
Ақмола облысы.
