Пікір • 07 Қыркүйек, 2020

Кәсіпкерлік дағдыларын тәрбиелеуге үндейді

13 рет көрсетілді

Мемлекет басшысы Қазақстан халқына арнаған биылғы Жолдауында елдің өзекті проблемаларын айтып, экономика мен әлеуметтік саланы дамытудың бағдарларын белгіледі.

Пандемия салдарынан жеке сектор мәжбүрлі оқшаулануға және компаниялардың қызметін шектеуге байланысты қысым көріп отыр. Халықаралық тәжірибе көрсет­кендей, қазіргі дағдарыс жағдайында мемлекеттің көмегі, кәсіпорын­дар­дың қалыпты жұмыс істеуі және жағымсыз экономикалық салдар­лардың алдын алуы үшін қажет.

Жеке компанияларды кешенді қолдау, ең бастысы шектеуші фактор­лардың болмауы ағымдағы кезеңде ерекше маңызды. Қар­жы­лан­дырудың жанама әдіс­тері өзгеріс­терге оңай бейімделуге мүмкін­дік береді және жеке секторды субси­дия­лаудың икемді құралы саналады.

Президентке тікелей бағынатын бәсекелестікті қорғау және дамыту жөніндегі агенттікті құру нарықта әділ бәсекелестікті қалыптастыру жолындағы маңызды қадам. Аралық операторлардың болуы процес­тердің бюро­кратиялылығын  күшейтеді және экономиканы мемлекет иелігінен шығаруға кедергі келтіреді. Жеке кәсіпкерлік нарық үшін әділ күресте салаларды дамыту бойынша жаңа тиімді идеяларды қалыптастыруға ықпал етеді. Мемлекет үздік кәсіпкер емес, стратегиялық нысандарды қоспағанда, экономика нарықтық жағдайда жемісті жұмыс істейді және жетілдіріледі.   

Сондай-ақ Мемлекет басшысы жариялаған маңызды реформа­лардың бірі – халықтың кәсіпкерлік дағдыларын тәрбиелеу. Оқушылар мен студенттерді практикалық білімге оқыту жақын және алыс бола­шақта кәсіпкерлер санының артуы­на, жеке сектордың кеңеюіне ықпал етеді. Бұл бастама фирмалар санының өсуі, әділ бәсекелестікті қалыптастыру және жұмыспен қамтуды қамтамасыз ету үшін де, жас­­тар үшін де, өз бизнесін құру және нарықтың өзгеретін жағдай­ларына бейімделу үшін де пайдалы болады.

Елдік бағдарламалар шолулары­ның бірінде ЭЫДҰ қаржыландыру көздерін ұлғайту мақсатында Зейнетақы қорының қаражатын тиімді және қауіпсіз инвестициялауды ұсынды. Бұл мәселе елдің көп­теген экономистерінің талқы­лауына жатады.  Жолдауда атап өтілген­дей, Президенті тапсырмасы аясында БЖЗҚ салымшыларының зейнетақы жинақтарының бір бөлігін пайдалану мәселесі пысықталды және 2021 жылы 700 мыңнан астам салымшы өз жинақтарының бір бөлігін тұр­ғын үй сатып алуға, емделуге не­месе қаржы компанияларына бас­қаруға беру үшін пайдалана алады деп жоспарлануда. Аталған шешім халықтың көпшілігі үшін табысты қысқартудың ағымдағы жағдайларында уақтылы қадам.

Қазіргі жағдайда ұзақ мерзімді басымдықтар туралы ұмытпау керек. ЭЫДҰ-мен ынтымақтастық шеңберінде Үкіметке жасыл экономиканы дамыту бойынша шаралар ұсынылды. Қоршаған ортаны қорғау ұлттық деңгейде қолдауды талап етеді, ал тиісті шараларды қабылдау саяси ерік-жігерді қажет етеді. Қазақ­стан халқына Жолдауында терең декарбонизацияға негіз қалау қажет­тігі айтылған. Прези­дент Үкі­метке ғылыми қоғамдас­тықпен және жеке сектормен ынтымақтас­тық­та жасыл өсу бойынша ұсыныс­тар топтамасын әзірлеуді тапсырды. Бизнес пен академияны тарту осы мәселені терең және кешенді зерде­леуге, сондай-ақ тарап­тар­дың мүдделерін ескере отырып, эко­ло­гиялық қауіпсіздікті қамта­масыз ету жөніндегі тиісті іс-шара­ларды әзірлеуге ықпал ететін болады.

Жалпы, Мемлекет басшысы 2020 жыл­ғы Қазақстан халқына Жол­дауын­да қазіргі заманғы мәселе­лер, тиісті кешенді шешімдер белгі­лен­ген, сон­дай-ақ елдің одан әрі өр­кен­деуі үшін ұзақ мерзімді міндеттер айтылған.

 

Сандуғаш Мұсабекова,

«Экономикалық зерттеулер институты» АҚ жетекші сарапшысы

 

Соңғы жаңалықтар

Ұқсас жаңалықтар