Коронавирус • 07 Қыркүйек, 2020

Коронавирусқа қарсы екпе салу осы аптада басталуы мүмкін

258 рет көрсетілді

Ресей Федерациясы Денсаулық сақтау министрлігінің Н. Ф. Гамалеи атындағы Ұлттық эпидемиология және микробиология ғылыми-зерттеу орталығы осы аптада вакцинаның бірінші партиясын шығаруға рұқсат алады, - деп хабарлайды Egemen.kz.

"Жақын арада, 10-13 қыркүйек аралығында біз партияны азаматтық айналымға шығаруға рұқсат алуымыз керек. Тиісінше, осы сәттен бастап халықты вакцинациялау басталады", - деді РҒА корреспондент-мүшесі Денис Логунов.

Бұған дейін Ресейдің Денсаулық сақтау министрі Михаил Мурашко "азаматтық айналым" сөзін халықты, дәрігерлер мен мұғалімдерді вакцинациялау деп түсіндірген болатын.

РФ Денсаулық сақтау министрлігі Сауда және қызмет көрсету саласының қызметкерлеріне, полиция қызметкерлеріне, әскерге шақырылушыларға, студенттер мен мектеп оқушыларына, әлеуметтік қорғау, қоғамдық тамақтандыру қызметкерлеріне, жұмысы көптеген адамдармен (қонақ үйлер, шаштараздар, химиялық тазалағыштар, банктер, күзет кәсіпорындары және басқалар) тікелей байланыста болатын басқа ұйымдардың қызметкерлеріне жаппай екпе салдыруды ұсынып отыр.

Соңғы жаңалықтар

Ұқсас жаңалықтар