Пікір • 10 Қыркүйек, 2020

Жолдауға жоғары баға берді

33 рет көрсетілді

ГРЕКО атқарушы хатшысы Қазақстандағы жемқорлыққа қарсы іс-қимылдың жүйелі шараларына оң пікір білдірді. Джанлука Эспозито Мемлекет басшысы Қасым-Жомарт Тоқаевтың биылғы 1 қыркүйектегі Қазақстан халқына Жолдауында айтылған жемқорлыққа қарсы бастамаларға қатысты пікірімен бөлісті.

«Мен сыбайлас жемқорлыққа қарсы күреске жүйелі тұрғыда шара қабылдау мен алдын алу жұмыстарына ерекше мән бергенді құптаймын», деп атап өтті ГРЕКО атқарушы хатшысы.

Осы тұрғыда сарапшы жемқорлықтың алдын алудың түп-тамыры сыбайлас жемқорлыққа қарсы саясатты бағалау және оны қатысушы елдерде нақты іске асыру негізінде жатқанын атап өтті.

Ол Қазақстан Президентінің сөйлеген сөзінде айтылған риясыз және әділ сот төрелігіне бағыт­талған бағдарға ерекше назар аударды.

Оның пікірінше, құқықтық мемлекеттің бұл өлшемі сыбайлас жемқорлыққа қарсы іс-қимылда тиімділікке қол жеткізудің негізгі шарты болып табылады. Өз кезегінде жемқорлыққа қарсы пәрменді шаралар қоғамның мемлекеттік институттарға деген сенімін арттырады және экономикалық өсуге ықпал етеді.

Өз хабарламасында Эспозито мырза 2021 жы­лы Қазақстанды бағалаудың бірінші раундын тағат­сыздана күтетінін атап өтті. Оның нәтижелері бойынша белгіленген стандарттар мен ГРЕКО-ның 20 жыл қызметі барысында жинақталған озық тәжірибені ескере отырып, заңнама мен тәжірибені жақсарту бойынша ұсынымдар ұсынылатын болады.

Қазақстан өкілдері осы халықаралық аренадағы беделді бастамаға қосылған сәттен алғаш рет ағым­дағы жылдың 21-25 қыркүйегінде өтетін пленарлық сессияға онлайн режімде қатысады.

 

 

 

Соңғы жаңалықтар

Ақ бесікте тербеткен

Руханият • Бүгін, 16:00

Қазақстанда доллар арзандады

Қазақстан • Бүгін, 11:50

Бүгін – Құтқарушылар күні

Қазақстан • Бүгін, 11:10

Ел мүддесі – ерге сын

Руханият • Бүгін, 10:51

СҚО-да шаян жинаушылар ұсталды

Аймақтар • Бүгін, 10:07

Ұқсас жаңалықтар