АҚШ Мемлекеттік департаментінің хабарлауынша, мыңнан аса қытайлық студент пен магистранттың визасын қайтарып алған. Себебі олар елдің ішкі қауіпсіздігіне қатер төндіретін алға тартты.
Сондай-ақ Мемлекеттік департамент Вашингтон билігінің осындай қадамдар арқылы, маңызды деректерді ұрлауға жол бермейтінін мәлімдеді.
Бұған дейін Ақ үй басшысы Қытайдан келген ғалымдар мен аспиранттарға елге кіруге шектеу қойған еді. Бұл шара Қытайдың Гонконгке қатысты шығарған заңынан кейінгі АҚШ-тың жауабы болмақ. Осыдан кейін Бейжің тарапы екіжақты ымыраға келуге және студенттік алмасуда кедергі жасамауға шақырды.
