ҚР Ұлттық ядролық орталығы бұрынғы полигон аумағында ферма ашып қойыпты. Фермада тауықтар, мал түрлері өсірілуде. ҰЯО-ның бас директоры Ерлан Батырбековтің түсіндіруінше, бұл арнайы тәжірибе алаңы. «Бие, сиыр сүті, еті мен құс жұмыртқаларының барлығы радиацияға тексеріледі. Оларға полигонда тікелей өсіріліп алынған жемшөптер азық ретінде беріледі.
ҚР Ұлттық ядролық орталығы бұрынғы полигон аумағында ферма ашып қойыпты. Фермада тауықтар, мал түрлері өсірілуде. ҰЯО-ның бас директоры Ерлан Батырбековтің түсіндіруінше, бұл арнайы тәжірибе алаңы. «Бие, сиыр сүті, еті мен құс жұмыртқаларының барлығы радиацияға тексеріледі. Оларға полигонда тікелей өсіріліп алынған жемшөптер азық ретінде беріледі.Жеті жыл бойы бүге-шігесіне дейін тексеріп, қарап отырмыз», дейді ҰЯО-ның еншілес кәсіпорны-радиациялық қауіпсіздік және экология институтының директоры С.Лукашенко.
Аталған мал, құс өнімдерінде радионуклид қауіпті деңгейден өте аз мөлшерде. Ғалымдардың қожалықтарында 50 тауық бар. Олардың әрқайсысы күніне бір жұмыртқа табады екен. Жұмыртқалар бірден тіркеліп, сосын зерттелуге жіберіледі. Жұмыртқалардан да төніп тұрған қауіп жоқ. «Ферма Курчатовтан 60 шақырымда, айдалада орналасқандықтан ол жерге электр қуаты мен су керек, оларды үнемі жеткізумен айналысамыз, ал бұл оңай шаруа емес», – дейді Сергей Лукашенко.
Раушан НҰҒМАНБЕКОВА.
СЕМЕЙ.
