Алматыда тұмауға қарсы егу басталды

Аймақтар • 11 Қыркүйек, 2020

Алматыда тұмауға қарсы егу басталды

19 рет көрсетілді

Алдын ала белгілі болғандай, 10 қыркүйекте Алматы емханалары жыл сайынғы тұмауға қарсы вакцинация науқанын бастады, деп хабарлайды Egemen.kz

Айнаш ЕСАЛЫ

400 мыңнан астам алматылыққа тұмауға қарсы екпені ақысыз алуға болады. Олардың ішінде 65 жастан асқан адамдар саны – 264 мың, созылмалы ауруы бар тұрғындар – 125 мың, 22 мың бала, 9 мың медицина қызметкері, 7 мыңнан астам жүкті әйелдер. Вакцинация 15 қарашада аяқталады, осы уақыт аралығында алматылықтар емханаға өздерінің учаскелік дәрігеріне барып, алдын ала жазылу арқылы вакцинация ала алады. Учаскелік медбикелер тәуекел тобындағы тұрғындарға телефон арқылы хабарласып, шақырады.

"Вакцинация алдындағы учаскелік дәрігердің міндеті – келген тұрғынның денсаулығының жай-күйін, респираторлық аурудың белгілерін және COVID-19 вирусымен ауырған науқаспен байланысыболғанын немесе болмағанын, дене қызуының қалыпты болуын әрдайым тексеріп отырады. 10 қыркүйекте вакциналау 185 адамға жасалды, оның ішінде 60 жастан асқан қарт адамдар саны – 40, 100 медицина қызметкеріне, 25-і созылмалы аурулары бар балалар мен 20-ы созылмалы аурулары бар ересектер. Бірінші күні медицина қызметкерлерін вакцинациямен қамтуға тырыстық", дейді №11 Қалалық емхананың дәрігер-эпидемиологы Камар Қайратбек.

Тұмауға қарсы вакцина ауруға қарсы иммунитетті қалыптастыруға және асқынулардың алдын алуға арналған. Тұмауға қарсы вакцинациядан кейін дәрігерлер стандартты сақтық шараларын сақтауға кеңес береді: ине салған орынды жарақаттап алмауға, ұйқы режімін сақтауға, аллергиялық реакция тудыруы мүмкін тағамдарды пайдалануға болмайды.

"Вакцина жеткілікті мөлшерде сатып алынды, учаскелік медбикелер кестеге сәйкес егуге шақырады. Вакцинация басталғанға дейін эпидемиологиялық қызметі емхананың учаскелік қызметімен бірлесіп, ақысыз вакцинация жасау үшін тәуекел тобының тізімін жасады: созылмалы аурулары бар балалар саны – 833, созылмалы аурулары бар ересектер–1999, медицина қызметкерлері – 332, жүкті әйелдер – 152, жабық типтегі мекемелердің медициналық қызметкерлері (балалар үйі, мектеп интернаты, балаларға/мүгедектерге арналған мектеп-интернаттары) – 11 адам, қарттар мен мүгедектер үйлерінің контингенті – 60 жастан асқан қарттар 2012", дейді №11 Қалалық емхананың дәрігер-эпидемиологы Камар Қайратбек.

Тұмау вирусы үздіксіз генетикалық және антигендік өзгерістерге ұшырайтындықтан, ДДҰ жылына екі рет вакцинаның құрамы туралы ұсыныстарын жаңартады. Бұл вакцина алдағы маусымда болжам бойынша, циркуляциялық вирустар неғұрлым жоғары дәрежеде сәйкес келуі қосылыс вирустарға кіреді. ДДҰ келесі компоненттері бар квадривалентті вакциналарды қолдануды ұсынды: A/Guangdong-Maonan/SWL1536/2019 (H1N1) pdm09 ұқсас вирустар; A/Hong Kong/2671/2019 (H3N2) ұқсас вирустар; B/Washington/02/2019 (B/Victoria lineage) ұқсас вирустар және ұқсас вирусы B/Phuket/3073/2013 (B/Yamagata lineage).

Күннің маңызды және өзекті жаңалықтарын «Егемен Қазақстан» телеграм каналынан оқыңыз