Қазақстан • 12 Қыркүйек, 2020

Қоғамдық бақылау туралы заң жобасын әзірлейтін жұмыс тобы құрылды

14 рет көрсетілді

Ақпарат және қоғамдық даму министрі Аида Балаева "Қоғамдық бақылау" туралы заң жобасын әзірлейтін жұмыс тобының құрамына Президенттік жастар кадрлық резервінен іріктеліп шыққан жастарды шақырды, деп хабарлайды Egemen.kz

Айта кетсек бұған дейін Аида Балаева қоғамдық бақылау функциясына ие ұйымдардың тізімін кеңейту керектігін айтты. Оның айтуынша пандемия кезінде 300-ге тарта белсенді азамат дәрі-дәрмек бағасының тұрақтылығы, гуманитарлық көмекті бөлу, медициналық ұйымдардың жұмысына қоғамдық бақылау жүргізу жұмыстарын атқарған.

"Қазір қоғамдық бақылаушылар шағын және орта бизнес субъектілерінде, халық көп жиналатын орындарда, сауда орталықтарында қадағалау жұмыстарын жүргізіп, маска мен әлеуметтік қашықтық режимінің сақталуын бақылауда. Қай жерде заңсыз тойлардың өтіп жатқанын да анықтап жатыр. Сол себепті осы мәселелердің бәрі де қоғамдық бақылау туралы жеке заңның болуы керектігін айқындай түседі. Ол туралы Президент Жолдауында айтқан еді. Біз бүгінгі күні жұмыс тобын құрдық. Ол аталмыш заңның концепциясын дайындайды", деді Аида Балаева Президенттік кадрлық резервтегі жастармен кездесу барысында.

Министрдің айтуынша ол жұмыс тобына үкіметтік емес ұйымдардың өкілдері, халықаралық және қазақстандық сарапшылар, Ұлттық кеңес мүшелері енеді. Аида Балаева осы жұмыс тобына аталмыш жиында Президенттік жастар кадрлық резервінен іріктелген азаматтарды да шақырды.

"Заң жобасының негізгі новеллалары қоғамдық даму институттарын жетілдіруге бағытталған. Сонымен қатар бұл заң мемлекеттік органдар мен квазимемлекеттік органдардың ашықтығы мен есептілігін қамтамасыз етеді", деді ол.

 

 

Соңғы жаңалықтар

Білім – басты құндылық

Аймақтар • Бүгін, 17:10

Көкпектіде саябақ ашылды

Аймақтар • Бүгін, 15:48

Маңғыстауда дельтаплан құлады

Аймақтар • Бүгін, 11:24

Елімізде тағы 55 адам індеттен айықты

Коронавирус • Бүгін, 09:00

Алыстан жеткен алғыс

Аймақтар • Кеше

Тазалық бірдің емес, мыңның ісі

Аймақтар • 18 Қыркүйек, 2020

Қала күні онлайн форматта аталып өтеді

Аймақтар • 18 Қыркүйек, 2020

Байтұрсынов атындағы байқау өтті

Қоғам • 18 Қыркүйек, 2020

Облыс әкімі Сырдария ауданына болды

Аймақтар • 18 Қыркүйек, 2020

Үш тілдің үздіктері анықталды

Аймақтар • 18 Қыркүйек, 2020

Халықаралық семинар-кеңес өтті

Қазақстан • 18 Қыркүйек, 2020

Ұқсас жаңалықтар