"Жыл басынан бері Қостанай облысындағы автомобиль жолдарына 600 рет инспекциялық тексеріс жүргізілді. Нәтижесінде 800 кемшілік анықталды. Оның ішінде 200-ден астам өрескел қателік орын алып отыр", деді А.Алшынбаев.
Филиал басшысы жол жөндеуге қатысты кемшіліктерді санамалап өтті. Мысалы, облыстың көлік жолдарын оңдау барысында асфальт-бетон қоспасы жолға талапқа сай жеткілікті деңгейде қыздырылмай төселеді.
Темірбетон бұйымдары дұрыс қойылмайды. Сондай-ақ, жұмыс технологиясы сақталмайды. Жаңа төселген асфальтқа тиісті күтім жасалмайды. Жолдың астыңғы қыртысы дұрыс тығыздалмайды. Жөндеу жүріп жатқан жол учаскесінде жол-құрылыс техникасының кешені көбіне жеткіліксіз болып шығады.
Филиал тапсырыс берушілер мен мердігерлерге жол жөндеуде кездесетін кемшіліктерді жою туралы 270 хат жолдаған.
Қостанай облысы
