Мысырдың бұрынғы президенті Мухаммед Мурсиге қатысты сот ісі 8 қаңтарға қалдырылды. Бұл туралы ИТАР-ТАСС хабарлады.
«Аль-Ахрам» интернет порталының ақпары бойынша, сот өткен жылдың желтоқсан айындағы ереуілшілердің қаза болу ісіне байланысты жаңа деректерді зерттеу үшін қосымша уақыт алған.
Мухаммед Мурси кезекті сот отырысына дейін Бург-эль-Араб ауданындағы түрмеде болады. Ол 26 шілдеден осы уақытқа дейін Мысыр астанасы маңындағы әскери барлау қызметі меншігіндегі виллалардың бірінде қамауда ұсталып келді.
Айдар Өрісбаев.
