"Департаменттің диспетчерлік пультіне кешкі сағат 20:24-те Құрманғазы ауданында жүк көлігінің өртенгені туралы хабар түсті. «Атырау-Ақтөбе» тас жолының 798-шақырымында Түркиядан келе жатқан "Mercedes Benz" маркалы фура автокөлігінің жанғаны анықталды. Көлікке Өзбекстан Республикасына жеткізілуі тиіс құрылыс материалдары тиелген. Өртті сөндіруге Құрманғазы аудандық төтенше жағдайлар бөлімінің 6 қызметкері мен 1 техника жұмылдырылды. Көлік өрті сағат 23:19-да толық жойылды. Қазір өрттің шығу себебі анықталып жатыр", деп хабарлады департаменттің баспасөз қызметі.
