Коронавирус • 18 Қыркүйек, 2020

Онкологиялық науқастар коронавирусқа тегін тест тапсырады

19 рет көрсетілді

Денсаулық сақтау министрлігінің бас онкологы, "Қазақ онкология және радиология ғылыми-зерттеу институты" АҚ Басқарма төрайымы Диляра Қайдарова онкологиялық науқастарға COVID-19-ға ПТР-талдау тегін жасалатынын айтты, деп хабарлайды Egemen.kz.

"Онкологиялық науқастарға COVID-19-ға ПТР-талдау тегін жасалады. Өйткені мемлекет бұл қызметті тұрғылықты немесе тіркелген жері бойынша емхана арқылы қаржыландырады. Қаржыландырудың барлығы емханаларда бекітілген. Аудандық онколог тегін ПТР-тестке жолдама беруі тиіс", - деді Д.Қайдарова.

Сондай-ақ ол онкологиялық науқастар үшін МРТ, КТ, ПЭТ, ультрадыбыстық зерттеу және өкпені рентгенге түсіру тегін жүргізілетінін айтты.

"Біз бұған 2018-2022 жылдарға арналған онкологиялық аурулармен күрес жөніндегі кешенді жоспар аясында қолжеткіздік. Сондықтан тегін тексеруге жолдама беретін аудандық онкологтарға хабарласыңыз. Емханаларда осы тегін тексеруді талап етіңіз, оларға қаржы бөлінді. Оның барлығын мемлекет пен медициналық сақтандыру жүйесі өтейді", - деді бас онколог.

Соңғы жаңалықтар

ШҚО-да тұрғындар эвакуацияланды

Аймақтар • 09 Сәуір, 2021

Тасқын қаупі әуеден зерттелді

Аймақтар • 09 Сәуір, 2021

Алматыда тау баурайы отқа оранды

Аймақтар • 09 Сәуір, 2021

Алматыда карантин күшейтіле ме?

Коронавирус • 09 Сәуір, 2021

Ұқсас жаңалықтар